DANIEL 7:4 - AMÜSÜH HÜM CL Bible (BSI)

⁴ Akhuhbe ju kekhüzü nangde tüsho müleang ghidükeang kihbah alakheah. Jushu, inü kheahshe, aghibo ju dukkhi, tüsho alo kheaknü ju shuhkih tüsho mihtsürü nangde jing mahnenü zhip; tüsho ju kheak mihtsürü mulong jih-a lakheah.

DANIEL 7:4 Iomraidhean Croise

2 SAMUEL 1:23

Saul tüsho Jonathan, amuzhodakkhi tüsho atsüdak! Rhangdung lachoki tüsho ashechoki ane mazü; ane müleangtopü kheaknü athribe lakheah, ane kekhüzübo kheaknü sühmüh lakheah.

JOB HU H T ANYU 25:6

mihtsürü khülang a küdükhüh ninila, shepü muso khülang a tüsho mihtsürü shepü ari khülang la!

MUNGSHIKHÜN 9:20

Arübo treshang, O Atungpuh ! Trükshihbonü arü ju mihtsürü ah de mükheahshang!

JEREMIA 25:38

Kekhüzü nangde apinü lapung bahbah tsodo; tümütüsho bukmüke nukshang tüsho api bukmükede akhiukkhinü arü lomi thsümünima lah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 48:40

Tümüde Atungpuhnü ha thachoh: Kheahang, api müleang nangde phinkhibah, tüsho Moab azhihde aghidükeangbo chutreakbah;

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

TÜZHOKHI 4:19

Isa müshamrübo ju thüning ching müleangbo kheaknü athribe lakheah; arünü isa müzüngbo kheak yande müsham, arünü sunglo ching isa aleangde bin.

EZEKIEL 17:3

Arü ki thaang, Wuto Atungpuhnü ha thachoh: Müleang ato khülang wulakhi ghidükeangbo, amoghidung ashang tüsho aphuaphu kihbah Lebanon ching arüdo. Cedar kurungkheak tholobah,

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:9

Judü lang, “ I a thrünpuh khülang ah,” de nü laksahrü miki thaba de? Nü a le nü yurirübo khah ching mihtsürü ah tüsho thrünpuh yung.

DANIEL 2:38

shepü khah ching apinü mihtsürübo jihkhea, arü küching küching lalashe, thulu ching mütüm shiwühbo, tüsho thüning wuhnubo, tüsho apinü shepü ki arü alala kurungkheak yakzanshuhrü kamshih– nü ju suna aku khülang ah.

DANIEL 4:36

Ju kim ching I lümlung I kilim alodarü; tüsho I mungthu tüsho I müretah I kiulongthsü müretah thsungkheaknü I kilim jihlo. I yo atorübo tüsho I putungrübonü I yimkhit, I kiulongthsü kurungkheak I lalo, tüsho kheaküshe khide atobo I kilim jihlo.

DANIEL 7:12

Aningkhi shiwühbo thsungkheak a arü wu lude tsoa lakheah, tüshe arü rhangdungbo akheahmünchi khülang thsungkheak lashih.

DANIEL 7:5

Püpü mahnepü shiwüh akhiuk, ju akheahpü kuto nangde alakheah. Ju thripkhühnü zhip, tüsho amün ching ahü bolung arheangro mahsam lakheah tüsho tha, “Asürang, shih ahihdo tsühang!”

MATHI 24:28

Tümütüsho kürü ching ashemibo abanü, ju ching müleangbo shomukhungbah.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.

AMIKHEAKAKHIUKKHI 13:2

Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih.