DANIEL 7:13 - AMÜSÜH HÜM CL Bible (BSI)

¹³ Inü azhing michih ching kheahchoki, inü mihtsürü khülang nangde amonü mükamdobah arüde ngü. Tüsho apinü lün labuh ki arü tüsho api miki yü.

DANIEL 7:13 Iomraidhean Croise

MUNGSHIKHÜN 110:2

Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

MUNGSHIKHÜN 47:5

Thrünpuh a ahode, Atungpuh a hulipungpung khungde yükihdo.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

EZEKIEL 1:26

Arü ku kumung thüning kumung lakhi ju shotolung-bluk kiulongthsü-binkiu nangde lakheah, tüsho kiulongthsü-binkiu kumung achang kheak ju mihtsürü jak nangde alakheah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:12

Aningkhi shiwühbo thsungkheak a arü wu lude tsoa lakheah, tüshe arü rhangdungbo akheahmünchi khülang thsungkheak lashih.

DANIEL 7:2

I, Danielnü, azhing ching thüning lim apung phüyinü keto ato rhumüneande I michih ching ngü,

DANIEL 7:22

lün labuh arükhi khiungde; jushu Khide Achangbuh yo amüsührübo thsungkheak mahkhapkhi jih, tüsho amüsührübonü kiulongthsü ngüa lupü kim khiung.

DANIEL 7:9

Inü kheahde lachoki, kiulongthsübinkiubo adangpung ching zo tüsho lün labuhnü api binkiu kheak bin, api khimmih ju phürüm nangde müyedo la, tüsho api kuyü ju alamlam hing müthsün nangde; api binkiu ju mo trukhi lakheah, tüsho lolungbe-jingbo ju mo takkhi lakheah.

DANIEL 8:15

Küyimki I, Danielnü michih ngükhea, inü ju anikhitpü mürang. Judüki khürü mihtsürü nangde I miki akhiuka zhip,

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

MATHI 24:30

Judüki Mihtsürü Tsührü amütsan thüning ching akhiukbah, tüsho alomi trük alalanü atripbah, tüsho arünü Mihtsürü Tsührü thüning kheak amo ching wu tüsho müretah ato ching arükhi ngübah.

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MARK 13:26

Judüki Mihtsürü Tsührü wu tüsho müretah ato lade amo ching arükhi arünü angübah.

LUKNÜ ATHRÜTKHI THIYUSHEAK-ATSÜ HUHTANYU 21:27

Judüki arünü Mihtsürü Tsührü wu tüsho müretah ato lade amo ching arükhi ngübah.

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

JOHAN 12:34

Mihtsürübonü api ki alo, “Khrista lünnü alabuh de isanü yakzan chingnü sodo; Mihtsürü Tsührü abekihbah de küde thsah nünü thacho? Mihtsürü Tsührü ha she a?”

JOHAN 3:13

Mihtsürü Tsührü yinmi chingnü akikhi kheak hode shenü she yinmi ching müyükihyi.

JOHAN 5:27

tüsho api kilim mahkhappü she thiyukhüm-sühmüh jihdo, tümütüsho api ju Mihtsürü Tsührü ah.

YUNIRÜBO RHIMO 7:56

tüsho apinü tha, “Kheahang, yinmi khimshuhkhi, tüsho Thrünpuh khah tsülim Mihtsürü Tsührü zhipkhi inü ngüchoh.”

1 TESALONIKA 4:17

judüki isa aninga larü, thüning ching Atungpuh shorupü arü lung amo ching rukhüh bemukhungbah tüsho isa lünnü Atungpuh lung labah.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

IBRI 9:24

Tümüde Khrista ju atsütsübe kheahkhikhi, khahnü athsükhi arüngakopung ching yungde, kheakü isa thsung thsüde Thrünpuh miki yüpü yinmi ching yüzahkheah.

AMIKHEAKAKHIUKKHI 1:13

tüsho tsünpung dubopung bolung mihtsürü tsührü nangde, shulünkhim müphü khiungde yih tüsho suna pangrümbenü atreang mükamde rüma lakheah;

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 14:14

Judüki inü kheah, tüsho ju ching amo amüye lakheah, tüsho amo kheak binkhi ju mihtsürü nangde, aku kheak suna kuthran thran tüsho akhah ching hirhüpbe ayuk khülang lakheah.