DANIEL 7:1 - AMÜSÜH HÜM CL Bible (BSI)

¹ Babilon kiulongthsüpuh Belshazzar kam akhuhbe ching, Danielnü yapkiu ching yapde alachoki milim tüsho michihbo ngü. Jushu apinü milim ju thrüt:

DANIEL 7:1 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 46:2

Judüki Thrünpuhnü azhing michih ching Israel ki tha, “Jakob, Jakob!” Tüsho apinü alo, “I ha ching lah.”

JOB HU H T ANYU 4:13

Azhing ching milim mide mihtsürü yapshechoki,

ISAIA 30:8

Kheakü yüang, ha arü miki lungbeak khülang kheak thrütang, tüsho hüm ching thrütyukang, junangde lünnü arübe thsungkheak thiyumütsan labah.

ISAIA 8:1

Judüki Atungpuhnü I ki tha, Lungbeak ato khülang luang tüsho ju kheak atotonü thrütang, “Maher-shalal-hash-baz,”

JEREMIA 23:28

Wukihrü shepünü milim mikheanü milim kheanshang, tüshe shepü I yu lanü thiyuronü I yu asukshang. Tümü rimneang ju wheat hi lung rukhüh la? Atungpuhnü thachoh.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 36:32

Judüki Jeremianü küpqiu püpü lu tüsho Neria tsührü Baruk kilim jihbah, Juda kiulongthsüpuh Jehoiakimnü mo ching takabahkhi Jeremianü thaa thrütshihkhi küpqiu yubo alala thrütkih; tüsho akiphahkhi yubo ahihdo yukajak.

JEREMIA 36:4

Judüki Jeremianü Neria tsührü Baruk ji tüsho Atungpuhnü Jeremia ki asukkhi yubo alala apinü thade Baruknü küpqiu kheak thrütkih.

EZEKIEL 1:1

Kam samrüpü, khinu phüyi ching, nimung phüngü nipü, I Kebar Ayung ki ramtsorü bolung lachoki, yinmibo khimshuhkhi inü ngü, tüsho inü Thrünpuh michihbo ngü.

EZEKIEL 40:2

Apinü I Thrünpuh michihbo ching Israel lomi lim bedarü tüsho müzüng khide achang kheak binshih; ju kheak düjinglim ju kiuto khülang thrünkhi nangde alakheah.

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 2:1

Nebukednezar kiulongthsü kam mahnepü ching, apinü milim mi; api me küpkhuk tüsho müyapkhukde alakheah.

DANIEL 2:26

Kiulongthsüpuhnü mung Belteshazzar de ajikhi Daniel ki tha, “ Inü angükhi milim tüsho thanakkhi nünü I kilim thakhukba de?”

DANIEL 4:13

“ I yapkiu ching yapbah michih lachoki, aheangrü, yunirü khülang yinmi chingnü akide inü ngü.

DANIEL 4:5

Inü milim khülang ngübah I müyinsahshih; yapkiu ching lümzülümdo tüsho michihbonü I müyinsahshih.

DANIEL 5:1

Kiulongthsüpuh Belshazzarnü api putungrübo chithürü thsungkheak anioji ato khülang thsakham, tüsho apinü chithürü miki yukhu yungde alakheah.

DANIEL 5:22

Tüsho nü, api tsührü Belshazzar, nünü ha alala mükheahkheah she nü mulong mazhihayih!

DANIEL 5:30

Ju tsüngrenü Kaldea kiulongthsüpuh Belshazzar ju laksah.

DANIEL 7:13

Inü azhing michih ching kheahchoki, inü mihtsürü khülang nangde amonü mükamdobah arüde ngü. Tüsho apinü lün labuh ki arü tüsho api miki yü.

DANIEL 7:15

I, Daniel a I me küpkhukde alakheah, tüsho I michihbonü I trede kamshih.

DANIEL 7:7

Jushu azhing ching inü michihbo ching shiwüh aphüyipü ngü, mihtrebe, atrebe tüsho khide amüküp lakheah. Ju yinchi hü ato lakheah tüsho adütre kamde tsühde alakheah, tüsho aningkhi ajingnü jung. Ha püpü shiwühbo kheaknü büthsü lakheah, tüsho ajuh thürü lakheah.

DANIEL 8:1

Kiulongthsüpuh Belshazzar kiulongthsü kam asampü ching I, Danielnü michih mahnepü ngü.

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

HABAKKUK 2:2

Judüki Atungpuhnü I ki alo tüsho tha: Michih ju lungbeakbo kheak müzhide thrütkihang, junangde ashanrünü ju khekhukbah.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

2 KORINT 12:1

Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü.

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.

AMIKHEAKAKHIUKKHI 10:4

Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.”