DANIEL 6:8 - AMÜSÜH HÜM CL Bible (BSI)

⁸ Kheakü, O kiulongthsüpuh, thiyukhüm hüm kheak mütsan dokihang, junangde Midiarü tüsho Persiarü yakzan yande, küpü mübahkhukbe lanü, ju mümüthrikhuk.”

DANIEL 6:8 Iomraidhean Croise

ESTER 1:19

Ha nü kiulongthsü ching alim lasho kiuthsü yakzan yande Vashti ju kiulongthsüpuh ki küyimkishe müthüninpü thiyukhüm jihang. Ju Persia le Midia yukhüm ching thrütshang. Jude thsüsho lang küyimkishe mümüthrikhuk tüsho atsü liberü püpürü kiulongthsüberü thsüshang.

ESTER 3:12

Jushu akhuhbe khinu, thürükheak mahsam nipü Hamannü kiulongthsüpuh yo athrütrübo jibah thiyusheak ahiuhpü kiulongthsübo ching thiyutha abannü angüshihpü thsüde khede thrütshihbah atorübo tüsho kovünorbo kilim jihpü thsakham. Ju Zerzes mung chingnü yingkhümnü yümbah yüshih.

ESTER 8:10

Mordekainü kihümbo ju kiulongthsüpuh Zerzes mung chingnü thrüt tüsho apinü kiulongthsü mütsan yingkhümnü yüm, jurübo ju aberünü kiulongthsüpuh yo khora yam chingnü adukathri kheak binbah niokheamde hanbah yü.

ESTER 8:3

Kheakü Esternü kiulongthsüpuh jing kheak kingrama yapbah chike ayode, Agag kheaknü atrükkhitbuh Hamannü Jihudarü azhihde lümkhi amütsü rhimokhi ju zhipdojang de mushu.

ESTER 8:8

Tüshe kiulongthsüpuh mung chingnü kiulongthsü mütsan yingkhümnü yümbah thiyusheak ahiuhkhia mübahkhuk, judüalalashe nüsanü akünkhi nangde Jihudarü thsungkheak I mung chingnü thrütbah kiulongthsü mütsan yingkhümnü ayümpü kuklah.”

MUNGSHIKHÜN 94:21

Arünü thiyuro-lungkirü rhangdung azhihde rukhüh mukhungchoh, tüsho amülim mülarü sheshihchoh.

ISAIA 10:1

Nüsa shepünü thiyuro mülakhi yakzan thsüchonü are, shepünü ajunobe yuzüng thrütcho,

DANIEL 5:28

P E R E S, nü kiulongthsü chamnakdo tüsho Midiarü le Persiarü kilim jihdo.”

DANIEL 6:12

Jushu arünü kiulongthsüpuh ki yü tüsho thiyukhüm dünkheak tha, “ O kiulongthsüpuh! Khürünü khürü ki, thrünpuh yungsho mihtsürü ki nü hobah nimung samrü dükeak ching tamkhüntamnüsho, O kiulongthsüpuh, kekhüzübo yam ching jipyukbah de nünü thiyukhüm kheak mütsan müdokih de?” Kiulongthsüpuhnü alo, “Am, ju Midiarü tüsho Persiarü yakzan mümüthrikhukbe thiyukhüm lah.”

DANIEL 6:15

Jushu arünü kiulongthsüpuh ki arü tüsho api ki tha, “Mükheahang, O kiulongthsüpuh, kiulongthsüpuhnü athsükhi yukhüm yungsho yuzüng mümüthripü Midiarü tüsho Persiarü yakzan lah.”

MATHI 24:35

Thüning tüsho alomi hode atsobah, tüshe I yubo a küyimkishe hode mutso.