DANIEL 6:7 - AMÜSÜH HÜM CL Bible (BSI)

⁷ Kiulongthsü yo kiuthsürü alala, khiukdahkhibo tüsho kiuthsü-kovünorbo, lümthiyan-jihrü tüsho kovünorbonü kiulongthsüpuhnü thiyuzüng tüsho thiyukhüm khülang thsüshihpü mulongarihdo, junangde shepünü nü hobah thrünpuh yungsho mihtsürü ki nimung samrü dükeak ching tamkhüntamnübanü, O kiulongthsüpuh, kekhüzübo yam ching jipyukbeah.

DANIEL 6:7 Iomraidhean Croise

MUNGSHIKHÜN 10:9

Kekhüzü ayam ching nangde apinü zhochihrü tholopü jika aleangde binchoh; apinü arü keang ching wuka lubah tsochoh.

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

MUNGSHIKHÜN 59:3

Kheahang, arünü I rhangdung jimde aleanglah; bukmüke mihtsürü I azhihde mukhunga lah. Inü athsümünimkhi yungsho I neak dünkheaknü yung, O Atungpuh .

MUNGSHIKHÜN 59:5

Wuto Atungpuh Thrünpuh, nü Israel Thrünpuh ah. Trükshih alala thsümüchipü nü asürang; mülapmüjide amütsü lümkhi thsürü ki mihmüthsüm dühuh.

MUNGSHIKHÜN 62:4

Nüsanü api achang chingnü abekhipü lang mulonglah; nüsanü akeangyu thapü ching reangkeamchoh. Nüsanü müngühmühi yubo asukchoh, tüshe nüsa mulong ching a api athruchoh.

MUNGSHIKHÜN 83:5

Arü lümkhi ching arü arihdo tüsho rukhüh thsüde nü azhihchoh:

MUNGSHIKHÜN 94:20

Amülimkhi kiulongthsü-binkiu, küpünü yakzan hode amütsü asahchonü, nü lung arihako laba de?

DANIEL 2:4

Kaldearünü Aramik yu chingnü kiulongthsüpuh ki tha, “ O kiulongthsüpuh, kutsüpde laang! Nü yamlarübo ki milim kheanang, tüsho isanü thanaka huhbah.”

DANIEL 3:11

tüsho shepünü mukhukningba tüsho mükingaünbanü motru ching jipyukbah.

DANIEL 3:2

Judüki apinü kiuthsü-kovünorbo, khiukdahrübo, kovünorbo, athsunganahrübo, rahpung zhimrübo, mahkhaprübo, atorübo tüsho kiuthsü torü püpürü alala apinü thsüa zhipshihkhi mejak müsükhitkhi ching arüshihpü ji.

DANIEL 3:27

tüsho kiuthsü-kovünorbo, khiukdahrübo, kovünorbo tüsho kiuthsü athsunganahrübo arü mükamde shomukhung. Monü arü pang mütakkhi yungsho arü kuyü mümuliukhi arünü ngü; arü shulünkhimbo mütakatsük tüsho arü kheak mo-rhüm mümünimde alakheah.

DANIEL 3:6

Shepünü mukhukningba tüsho mükingaünbanü judüchokinü motru ching jipyukbah.”

DANIEL 6:16

Judüki kiulongthsüpuhnü thiyukhüm jih, tüsho Daniel bedarübah kekhüzübo yam ching jipyuk. Kiulongthsüpuhnü Daniel ki tha, “ Nünü thülünde tankihkhi nü Thrünpuhnü nü bekhitshang!”

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

NAHUM 2:12

Kekhüzünü amüyambe tüsho anunu khilim shih laksah tüsho adütre kamde thonak; apinü shih thonakkhinü ayam mishih.

MATHI 12:14

Tüshe Pharisirünü wukhiuk tüsho Jisu laksahpü rük yimmusu.

MATHI 26:4

tüsho arünü rük thsüde Jisu rama lubah alaksahpü lümkhi thsü.

MARK 15:1

Yapsu nahde amükeam putungrübonü azothsürü le yakzan thsangyurü tüsho kiuthsübinkiu alala bebah küdangkhi la; tüsho arünü Jisu rhükbah bede yünü Pilat kilim jih.

JOHAN 12:10

Jumonü amükeam putungrübonü Lazar she asheshihpü lümkhi thsü,