DANIEL 6:4 - AMÜSÜH HÜM CL Bible (BSI)

⁴ Jumonü kiuthsürü tüsho kovünorbonü kiulongthsü dünkheak Daniel azhihde atsangpü jing-thrümpung yimkhitpü mürang. Tüshe arünü atsangpü thsungkheak jingthrümpung yungsho athsümünim tümü müyimkhit, tümütüsho api thülünde alakheah, tüsho sheakmadukkhi yungsho athsümünim tümü api kheak müyimkhitkhukde alakheah.

DANIEL 6:4 Iomraidhean Croise

THRÜNTAN 41:38

Tüsho Pharaonü ayamlarübo ki tha, “Thrünpuh me lakhi mihtsürü hadürü isanü angükhukba de?”

THRÜNTAN 43:18

Kheakü mihtsürübo trede alakheah, tümütüsho arübo Josep yam ching bede yüzah; tüsho arünü tha, “Ha atan isa shungliu-qiuqiubo ching sho yuklojihkhi dünkheaknü isa ha ching beyuka lah, junangde apinü adükeak kheahbah isa yandobah isa yo donkibo lubah tüsho isa azhorü kamshihpü thsüchoh.”

MÜCHITMUDU 29:27

Thiyuro-lungkirünü thiyuro mülarü thraneanchoh; mihbukmuyuknü alungkirü thraneanchoh.

T H S AN GYU T H S AN GR ARÜ 4:4

Kheaküshe rhimokhi alala tüsho rhimo ching yeanzamkhi ha mihtsürü khülangnü püpürü ki mükthsükhi hode arüchoh de inü ngüdo. Ha she akeangkeang tüsho apung dunglim müshamchoh.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 18:23

Tütüshe O Atungpuh , arünü I laksahpü lümkhi nünü mükheahlah. Arü mülimkhi neak dübahjih, nü mikinü arü neak nankhita dübah. Arübo nü miki jipkhia bahang; nü bukakhiukchoki arü ki keoang.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 29:7

Tüshe inü nüsa ramtso yüshihkhi kiuto mungtsü tüsho lalim atsü thsungkheak yimang. Atungpuh ki tamkhüntamnüang, tümütüsho ju lalim tsüsho nüsa she lalim tsübah.

DANIEL 3:8

Jumonü, ha kim ching Kaldearü khürü mikhuh ching arü tüsho Jihudarü azhihde tha.

DANIEL 5:12

tümütüsho, kiulongthsüpuhnü Belteshazzar de ajijihkhi Daniel kheak athukhi me, mükheahmudu, tüsho milim yihthünakpü anikhitkhi, aramyu thanakpü tüsho lümkhilümduh mulong-mülüpü lakheah. Kheakü Daniel jishang, tüsho apinü thanaka jihbah.”

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

MATHI 26:4

tüsho arünü rük thsüde Jisu rama lubah alaksahpü lümkhi thsü.

MATHI 27:18

Tümütüsho mükthsükhinü anihbuh kilim Jisu rama jihdo de apinü mükheah.

LUKNÜ ATHRÜTKHI THIYUSHEAK-ATSÜ HUHTANYU 20:20

Jumonü arünü api kheah, tüsho api ju kovünor wu tüsho thiyukhüm-sühmüh ching jihpü api yubo chingnü anihbuh rampü thiyuro-lungkirü ah de thsübah rükramrübo yüshih.

LUKNÜ ATHRÜTKHI THIYUSHEAK-ATSÜ HUHTANYU 20:26

Tüshe arünü mihtsürübo miki api yubo chingnü mutholokhuk. Tüsho apinü alokhi arünü müyinsah tüsho zhikde la.

LUKNÜ ATHRÜTKHI THIYUSHEAK-ATSÜ HUHTANYU 22:2

Tüsho amükeam putungrübo tüsho yakzan thsangyurübonü api laksahpü rük yim, tümüde arünü mihtsürübo trede alakheah.

JOHAN 19:4

Kheaküshe Pilatnü wukhiuk, tüsho arü ki tha, “Inü api kheak amülim tümü müyimkhit de nüsanü amükheahpü thsüde inü api nüsa kilim bede akhiukchoh.”

2 KORINT 11:12

Arü kükheangküyang rhimo ching isa nangde rhimochoh de atharü zhipdopü inü tümü rhimochonü mutukzhakde arhimobah.

FILIPI 2:15

junangde nüsa areak mükihde tüsho amülim mülade, ha akhürang tüsho bephülap lün ching Thrünpuh tsührübo thsüde, arü bolung alomiküp ching ayin nangde tahde,

1 TIMOTHI 5:14

Jumonü inü alümkhia anüphulung khimoberü a rhangbah tsührü lade, arü yambuk tsangshubeah, tüsho isa riri kilim isa azhihpü kim müjihbeah.

TITA 2:8

tüsho mübahyukkhukpü thsüde tsüdakde athakhi huhang, junangde sherünü nü ki azhihchonü isa dünkheak amütsü thapü mülamonü achih ngübah.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

MAHKHAPRÜ 14:4

Tüshe abuh le abe bünenü ha Filistiarü azhihde Atungpuhnü kim akhuchoh de mümükheah. Tümüde ju kim ching Filistiarünü Israel kurungkheak yakzan shuhde alakheah.

1 SAMUEL 12:4

Arünü tha, “Nünü isa kheak mümulomülap yungsho isa mujuno yungsho isa shepü khah chingnü tümü lang she mulu.”

1 SAMUEL 18:14

Davidnü arhimokhi alala ching akuk ngü; tümüde Atungpuh api lung lakheah.

1 SAMUEL 22:14

Judüki Ahimeleknü kiulongthsüpuh ki alo, “Nü yamlarü bolung shepü David nangde thiyuro la? Api kiulongthsüpuh tsühmeakrü ah tüsho nü aheangpü ching athrilah, tüsho nü yam ching alalanü wüntre jihchoh.