DANIEL 6:27 - AMÜSÜH HÜM CL Bible (BSI)

²⁷ Apinü bekhitchoh tüsho khümkhitchoh, apinü yinmi ching tüsho alomi kheak amütsan tüsho khinthiyinbe rhimochoh; tümüde apinü kekhüzübo wu chingnü Daniel khümkhit.”

DANIEL 6:27 Iomraidhean Croise

JOB HU H T ANYU 36:15

Apinü thsünürübo arü thsünü hode bekhitchoh, tüsho lümthsünü hode arü nükhün khimshuhchoh.

MUNGSHIKHÜN 145:13

Nü kiulongthsü ju akheam müla kiulongthsü, tüsho nü yakzan shuhkhi lün alala ching rünkhiungde lah.

MUNGSHIKHÜN 18:48

tüsho I thiriribo kheaknü bekhit. Nünü I azhihrü kumung I shuhkih; thiyih bukpü mihtsürübo kheaknü nünü I khümkhit.

MUNGSHIKHÜN 18:50

Api kiulongthsürü kilim apinü abekhitkhi ato jihchoh, tüsho api yo mujude-mokhitkhi David, tüsho anihbuh tsühsoniusobo ki lünnü amüthsüm huhchoh.

MUNGSHIKHÜN 32:7

Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 35:17

O Atungpuh , külokhüh nünü akheahba? Arünü ayankhi chingnü I khümkhitang; kekhüzübo chingnü I rhangdung khümkhitang.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 4:31

Thiyubo ju kiulongthsüpuh mün ching lade, yinmi chingnü düsheak khülang arü: “ O kiulongthsüpuh Nebukednezar, nü ki ha thado: Nü kheaknü kiulongthsü chamdo!

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

DANIEL 6:20

Küyimki api Daniel lapung kekhüzü-yam thüninde arükhea, apinü tripnede Daniel ki zhi, “ O Daniel, arhang Thrünpuh yamlarü, nünü thülünde tankihkhi nü Thrünpuhnü kekhüzübo chingnü nü bekhitkhuknah?”

JOHAN 4:48

Judüki Jisunü api ki tha, “Nüsabonü amüyinsahbebo tüsho khinthiyinbebo müngüyikia küdüküdü she akinpü yung.”

YUNIRÜBO RHIMO 4:30

Nü yo amüsüh yamlarü Jisu hode athsüngupü tüsho khinthiyinbebo rhimopü nü khah chungkihang.”

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”