DANIEL 6:24 - AMÜSÜH HÜM CL Bible (BSI)

²⁴ Kiulongthsüpuhnü thiyukhüm jih, tüsho sherünü Daniel amülim jihkheanü bedarübah kekhüzübo yam ching jipyuk–arü, arü tsührü, tüsho arü niuberübo kekhüzübo yam abolim mukhiungyide kekhüzübonü arü kheak jukkih tüsho arü robo alala adütre kamde yihthünak.

DANIEL 6:24 Iomraidhean Croise

2 KIULONG THSÜRÜ 14:6

Tüshe apinü Mosa yakzan hüm thrüta lakhi yande mihkhukrü tsührübo a mülaksah, küpü ching Atungpuhnü thiyukhüm jihde tha, “Tsührü dünkheaknü bebuhrü müsheshih, yungsho bebuhrü dünkheaknü tsührü müsheshih; tüshe mihtsürü khülang ju nihbuh neak dünkheak sheshihbah.”

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

ESTER 9:10

harü mihtsürü thürü ha Jihudarü riri Hammedatha tsührü Haman tsührübo ah; tüshe arünü kukruk a muqiu.

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

MUNGSHIKHÜN 54:5

Apinü I riribo kilim amütsü jihlobah; nü thiyuro lakhi ching arü akheam thsüshang.

MÜCHITMUDU 11:8

Thiyuro-lungkirü a küpkhuk chingnü bekhitdo tüsho ju müthri mihbukmuyuk kilim arüchoh.

MÜCHITMUDU 19:9

Arükchih thiyumütsan jihrü müthsümüchidüa mutso, tüsho shepünü akeangyu asukchonü adükheakbah.

ISAIA 38:13

Inü arung thsungkheak yapsu khiungde zhi; kekhüzünü nangde apinü I robo alala yihshak; animungnü azhing lim nünü I akheam kamshih.

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

DANIEL 3:22

Kiulongthsüpuh yukhüm ju khide aniokheam lakheah tüsho motru khide atakkhinü Shadrak, Meshak tüsho Abednego shuhyukrübo ju monü taksah,

YUZÜNGTHALO 24:16

“Tsührübo dünkheak buhrübo müsheshih, yungsho buhrübo dünkheak tsührübo müsheshih; nihbuh neak dünkheak mihtsürü khülang ju asheshihbah.