DANIEL 6:23 - AMÜSÜH HÜM CL Bible (BSI)

²³ Judüki kiulongthsüpuhnü khide asüh tüsho kekhüzü-yam chingnü Daniel bekhitpü thiyukhüm jih. Jumonü Daniel ju kekhüzü-yam chingnü bekhit, tüsho api kheak yurikhi tümü müngü, tümütüsho apinü api Thrünpuh kheak kin.

DANIEL 6:23 Iomraidhean Croise

1 KIULONG THSÜRÜ 5:7

Küyimki Hiramnü Solomon yubo sokhea, apinü khide asüh, tüsho tha, “ Khihni ha mihtsürü ato kurungkheak lapü thsüde David kilim lümlung lakhi tsührü khülang jihbuh Atungpuh shiang.”

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

MUNGSHIKHÜN 18:21

Tümüde inü Atungpuh yakzanbo ani, tüsho mihbukmuyukde Thrünpuh kheaknü müchamachih.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

ABEKHIT 18:9

Judüki Atungpuhnü Israel thsungkheak atsü rhimode Ijiprü khah chingnü arü bekhitkhi alala dünkheak Jethronü asüh.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

DANIEL 3:25

Apinü tha, “ Kheahang! Mihtsürü phüyi mürhükde tüsho tümü müthsüde mo ching mühide atsahkhi inü ngüchoh, tüsho aphüyipü ju Thrünpuh tsührü nangde lah.”

DANIEL 6:14

Küyimki kiulongthsüpuhnü ha thakhi sokhea, api khide lümthsünüde kam. Apinü Daniel khümkhitpü lümkih, tüsho ani yüzah khiungde api khümkhitpü anihbuhnü lüpdükhi rhimoakheah.

DANIEL 6:18

Jushu kiulongthsüpuhnü ayam ching yü tüsho khümkeak thsüde tsüngre hoshih; apinü tsühyungpü tümü mütsüh, asühako müla tüsho yapshede müyü.

MARK 9:23

Jisunü api ki tha, “Nünü kinsho! Shepünü kinchonü api thsungkheak alala akukpü lah.”

IBRI 11:33

sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih,