DANIEL 6:12 - AMÜSÜH HÜM CL Bible (BSI)

¹² Jushu arünü kiulongthsüpuh ki yü tüsho thiyukhüm dünkheak tha, “ O kiulongthsüpuh! Khürünü khürü ki, thrünpuh yungsho mihtsürü ki nü hobah nimung samrü dükeak ching tamkhüntamnüsho, O kiulongthsüpuh, kekhüzübo yam ching jipyukbah de nünü thiyukhüm kheak mütsan müdokih de?” Kiulongthsüpuhnü alo, “Am, ju Midiarü tüsho Persiarü yakzan mümüthrikhukbe thiyukhüm lah.”

DANIEL 6:12 Iomraidhean Croise

ESTER 1:19

Ha nü kiulongthsü ching alim lasho kiuthsü yakzan yande Vashti ju kiulongthsüpuh ki küyimkishe müthüninpü thiyukhüm jihang. Ju Persia le Midia yukhüm ching thrütshang. Jude thsüsho lang küyimkishe mümüthrikhuk tüsho atsü liberü püpürü kiulongthsüberü thsüshang.

DANIEL 6:15

Jushu arünü kiulongthsüpuh ki arü tüsho api ki tha, “Mükheahang, O kiulongthsüpuh, kiulongthsüpuhnü athsükhi yukhüm yungsho yuzüng mümüthripü Midiarü tüsho Persiarü yakzan lah.”

DANIEL 6:8

Kheakü, O kiulongthsüpuh, thiyukhüm hüm kheak mütsan dokihang, junangde Midiarü tüsho Persiarü yakzan yande, küpü mübahkhukbe lanü, ju mümüthrikhuk.”

YUNIRÜBO RHIMO 16:19

Tüshe küyimki alibe putungrünü arü mulonglam sho-arüpung tsokhi ngükhea, arünü Paul tüsho Sila rambah yinzüyindopung yakzanshuhrübo miki bede yü;

YUNIRÜBO RHIMO 16:24

Ha thiyukhüm lubah, apinü ane ju rihyam alungbe ching ane jingbo ching sang khrihyukbah zo.