DANIEL 5:9 - AMÜSÜH HÜM CL Bible (BSI)

⁹ Judüki kiulongthsüpuh Belshazzar ju khide treabah tüsho amiro pheakmulukdo kam, tüsho api putungrübo ju zhazhaabah.

DANIEL 5:9 Iomraidhean Croise

MUNGSHIKHÜN 18:14

Apinü api hühzobo yüshihbah thiriri hiumüzütshih; apinü chinchobe phürapa yüshih tüsho arü alihde tsoshih.

MUNGSHIKHÜN 48:6

Ju ching arü azoberü thsünükhi nangde atrekhinü tholo,

JEREMIA 30:6

Kheakü keokhiang, tüsho kheahang, athrürünü tsührü zübekhukba de? Dale tümüde aliberü thsünüchoki nangde athrürü abannü chim kheak khah nimbah inü ngücho? Tümüde mihbüm abannü pheakmulukdo kama la?

JEREMIA 6:24

“ Isanü arü yusheak sodo, isa khahbo keahkhia lah; thsünükhinü aliberü zübechoki thsünükhi nangde isa tholoa lah.

DANIEL 10:8

Junangde ha michih ato kheahpü I langzü aninga lakheah. I sühmüh mülade kam, tüsho I miro pheakmulukdo kamabah, tüsho I tümü müthsükhukde kam.

DANIEL 2:1

Nebukednezar kiulongthsü kam mahnepü ching, apinü milim mi; api me küpkhuk tüsho müyapkhukde alakheah.

DANIEL 5:6

Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih.

MATHI 2:3

Küyimki kiulongthsüpuh Herodnü harübo sokhea, api tüsho api lung Jirusalem ching alala müyinsah.

AMIKHEAKAKHIUKKHI 6:15

Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde,