DANIEL 5:8 - AMÜSÜH HÜM CL Bible (BSI)

⁸ Judüki kiulongthsüpuh yo lümlung larü mihtsürü alala azah, tüshe arünü athrütkhi ju mükhekhuk yungsho kiulongthsüpuh ki müthanakkhuk.

DANIEL 5:8 Iomraidhean Croise

THRÜNTAN 41:8

Jumonü yapsu api me küpkhukde alakheah; apinü thiyia yüshihbah Ijip wurük-huhrü tüsho lümlung lakhi mihtsürü alala ji. Pharaonü arü ki api milim tha, tüshe Pharao thsungkheak jurü thanakpü she mülakheah.

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

JEREMIA 50:35

Kaldearü tüsho Babilon ching larü azhihde, tüsho anihbe torübo tüsho lümlung larü azhihde nukshang khülang lah, Atungpuhnü thachoh!

DANIEL 2:27

Danielnü kiulongthsüpuh ki alo, “ Lümlung larü mihtsürü, kuhikheahrü, wurük-huhrü yungsho müchitrü shenü she kiulongthsüpuhnü akeokhikhi amüthakhukkhi aramyu muhuhkhuk,

DANIEL 4:18

Ha I, Nebukednezarnü milim ngükheah. Tüsho nü, O Belteshazzar, thanakkhi amütsan I ki thaang, tümütüsho I kiulongthsü mihtsürü alalanü I ki thanaka müjihkhuk, tüshe nünü kuklah, tümüde amüsüh Thrünpuh me nü kheak lah.”

DANIEL 4:4

I, Nebukednezar, I yam ching sühakhimde tüsho lalim tsüde alakheah.

DANIEL 4:7

Judüki kuhikheahrü, wurük-huhrü, thümürü, chining-kherübo tüsho Kaldearü alala bede azah, tüsho inü arü ki thaa huh, tüshe arünü I ki müthanakkhuk.

DANIEL 5:15

Kheakü lümlung larü mihtsürü wurük-huhrü I ki ha thrütkhi khepü tüsho thanakshihpü bede azah, tüshe arünü ju amütsan müthanakkhuk.