DANIEL 5:7 - AMÜSÜH HÜM CL Bible (BSI)

⁷ Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

DANIEL 5:7 Iomraidhean Croise

THRÜNTAN 41:8

Jumonü yapsu api me küpkhukde alakheah; apinü thiyia yüshihbah Ijip wurük-huhrü tüsho lümlung lakhi mihtsürü alala ji. Pharaonü arü ki api milim tha, tüshe Pharao thsungkheak jurü thanakpü she mülakheah.

ESTER 3:1

Ju dunglim, Zerzesnü Agag kheaknü atrükkhitkhi Hammedatha tsührü Haman ju api kiuthsü bukkhüp alala kurungkheak achangbe ching shuhkihjih.

ABEKHIT 7:11

Tüshe Pharaonü she lümlung larü mihtsürü tüsho wurük-huhrü jide arü; junangde Ijip wurük-huhrübonü she arü wurüknü ju ruk thsü.

MÜCHITMUDU 1:9

tümüde jurübo nü ku kheak akhamdak zülubo tüsho nü hung mükamde lakbo thsübah.

KHÜNBOLUNGKHÜN 1:10

Nü müchipbo kheak nüpünü akhamlah, nü hung kheah suna laknü akhamlah.

ISAIA 47:13

Lümlung-jihrü ahihdo kheak nü khia lah; sherünü thüningbo tüsho chiningbo khecho, tüsho khinu aso aban nü kheak dünjipü müchitchonü asürüshang tüsho nü khümkhitshang.

JEREMIA 50:35

Kaldearü tüsho Babilon ching larü azhihde, tüsho anihbe torübo tüsho lümlung larü azhihde nukshang khülang lah, Atungpuhnü thachoh!

EZEKIEL 16:11

Inü nü kheak mürezhingzhingnü züt thsüjih: Inü khubo nü bin ching yukjih tüsho lak nü hung mükamde yukjih,

DANIEL 1:20

Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 1:4

athrününgtsüng mihtsürü shihphü ching areak mülarü tüsho trungdung atsü, lümlung ching thsambah larü, mükheahmudu lakhi tüsho nahde anikhitrü, kiulongthsüpuh yam ching tankihpü athülün; arü ki Kaldearü yuthrüt tüsho yutha thsangyupü lakheah.

DANIEL 2:2

Jumonü apinü anihbuh ki amilim thanakshihpü kuhikheahrü, wurük-huhrü tüsho Kaldearü, thümürübo jide arüpü yüshih. Küyimki arü arükhea tüsho kiulongthsüpuh miki zhipkhea,

DANIEL 2:27

Danielnü kiulongthsüpuh ki alo, “ Lümlung larü mihtsürü, kuhikheahrü, wurük-huhrü yungsho müchitrü shenü she kiulongthsüpuhnü akeokhikhi amüthakhukkhi aramyu muhuhkhuk,

DANIEL 2:48

Judüki kiulongthsüpuhnü Daniel ju binkiu achang ching zojih tüsho thsambah ahihdo api ki mujungde zojih. Apinü anihbuh ju Babilon lomi alala kurungkheak yakzanshuhrü kamshih tüsho lümlung larü mihtsürü alala kurungkheak akeanangrü aku kamshih.

DANIEL 2:6

Tüshe nüsanü milim kheanbah I ki thanakkhi huhsho, I kilimnü nüsa thsambahbo, mungshi tüsho wüntre ato leangkhibah. Jumonü I ki milim tüsho ju thanakkhi thaa huhang.”

DANIEL 4:14

Apinü achangnü zhi tüsho tha, ‘ Sangdung ju kiushakang tüsho akhahbo tsankhiang, ayübo mülakkhiang tüsho aso hiumüzütang; ju khüpnü shiwühbo tüsho akhahbo kheaknü wuhnubo tsoshang.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 5:15

Kheakü lümlung larü mihtsürü wurük-huhrü I ki ha thrütkhi khepü tüsho thanakshihpü bede azah, tüshe arünü ju amütsan müthanakkhuk.

DANIEL 5:16

Tüshe nünü thanakkhukchoh tüsho lümkhilümduh mulong-mülüchoh de inü sodo. Kheakü nünü athrütkhi khekhuksho tüsho thanakkhuksho, nü kheak mürümmüri khim phuyujihbah, nü hung mükamde suna wuhrünlak khülang jihbah, tüsho kiulongthsü ching asampü ching lashihbah.”

DANIEL 5:29

Judüki Belshazzarnü thiyukhüm jih, tüsho mürümmüri khim Daniel kheak phuyujih, suna wuhrünlak ahung mükamde yukjih, tüsho kiulongthsü ching api binkiu asampü ching lapü dünkheak zhiyukjih.

WÜHKHE 22:17

tümüde tsükjide inü nü wüntrebah, tüsho nünü I ki tümüpürü thabanü ju rhimobah. Jumonü muzhobahle arübah harü mihtsürü I thsungkheaknü athrujang.”

WÜHKHE 22:7

Jumonü Moab tüsho Midia azothsürübonü arü khah ching mebelopü shuhbah Balaam kilim arü tüsho Balaknü athakhi yubo api ki tha,

WÜHKHE 24:11

Jumonü kheakü nü lapung lim tsoang. Inü nü tode akin jihbah de thado, tüshe Atungpuhnü akin jihshihpü chingnü tholoabahdo.”

1 SAMUEL 17:25

Israelrübonü tha, “Nüsanü ha buh mihtsürü atua la ha ngünah? Tsükjide api Israel müneahpü atua lah. Shepünü ju buh laksahbanü kiulongthsüpuhnü thsambah ato jihbah, tüsho api kilim atsührü aliberü jihbah tüsho Israel ching api yamkhün zuzu lashihbah.”