DANIEL 5:28 - AMÜSÜH HÜM CL Bible (BSI)

²⁸ P E R E S, nü kiulongthsü chamnakdo tüsho Midiarü le Persiarü kilim jihdo.”

DANIEL 5:28 Iomraidhean Croise

2 KIUTHSÜYUKHEAN 36:23

“Persia kiulongthsüpuh Sairusnü ha thachoh: Atungpuh , yinmi Thrünpuhnü, I kilim alomi kiulongthsü alala jihdo, tüsho Juda ching lakhi Jirusalem ching thüyam khülang thsüpü apinü I ki thiyukhüm jihdo. Nüsa api mihtsürü alala bolung shepü la? Atungpuh anihbuh Thrünpuh api lung lashang, tüsho api wu toshang!”

ISAIA 13:17

Kheahang, inü arü azhihde, shotoyinchi mulunerü tüsho suna kheak masührü Midiarü rhumusuchoh.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

ISAIA 47:11

Tüshe amütsü rhimo nünü wurüknü müthsükhikhukkhi nü kheak arübah; nünü müyanlokhukde thsümütsü nü kheak keambah; tüsho nünü tümü she mümükheahkhi zukleangnü nü kheak athsümünim arübah.

JEREMIA 25:13

Inü azhihde athakhi yubo alala ha hüm ching thrütkhi lüpdükhi, trükshih alala azhihde Jeremianü müchitkhi, ju lomi kheak handarübah.

JEREMIA 51:28

Anihbe azhihde thirithsüpü trükshihbo, Midia kiulongthsübo, arü lung kovünorbo tüsho atorübo, tüsho arü yukhüm khüp lakhi lomi aban thsakhamang.

DANIEL 2:32

Sangthsü ku ju suna müthsün, atreang tüsho abinbo ju shotoyinchi, abuk tüsho phobo ju müwayinchi,

DANIEL 2:39

Nü dunglim, nü kheaknü aninibe püpü kiulongthsü asürübah. Ju khin, müwayinchi nangde alakhi kiulongthsü asampünü lomi athrünkhi kurungkheak yakzan shuhbah.

DANIEL 5:31

Tüsho Midiarü Darius, kam 62 azorünü kiulongthsü leangkhia lu.

DANIEL 6:28

Jumonü hanü Persiarü Darius kiulongthsü tüsho Sairus kiulongthsü kim ching Daniel lalim tsüde kam.

DANIEL 6:8

Kheakü, O kiulongthsüpuh, thiyukhüm hüm kheak mütsan dokihang, junangde Midiarü tüsho Persiarü yakzan yande, küpü mübahkhukbe lanü, ju mümüthrikhuk.”

DANIEL 8:20

Nünü angükhi ajuh mahne kihkhi namfimihnupung thsungkheak ju, harü ha Midia tüsho Persia kiulongthsürübo ah.

DANIEL 9:1

Midiarü Zerzes tsührü Darius, Babilon kiulongthsübo kurungkheak yakzanshuhrü kam.

YUNIRÜBO RHIMO 2:9

Parthiarü, Midiarü, Elamrü; Mesopotamia, Judea, Kappadokia, Pontus tüsho Asia,