DANIEL 5:23 - AMÜSÜH HÜM CL Bible (BSI)

²³ Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 5:23 Iomraidhean Croise

THRÜNTAN 14:19

Apinü anihbuh müngühjihde tha: “Thüning tüsho alomi Thrünrü, Khide Achang Thrünpuhnü Abram müngühshang.

THRÜNTAN 2:7

Tüsho Atungpuh Thrünpuhnü alo asungthulungnü mihtsürü kamshih, tüsho api nupung ching rhangdung sheak mütyukjih, tüsho mihtsürü ju rhangdung lakhi khülang kam.

2 KIULONG THSÜRÜ 14:10

Nünü atsütsü Edom kukdo, tüsho nü kükheangde lah. Nü mungshikhi ching reangkeamang, tüsho thüyam ching laang; nü lung Juda bede akeampü thsüde tümüde nünü küpkhukpü asahcho?”

JOB HU H T ANYU 12:10

Api khah ching rhangdung lakhi alala tüsho sheak thsükhi mihtsürü alala lah.

JOB HU H T ANYU 31:4

Apinü I limrobo müngü de, tüsho I jingdükü aban khechoh yung de?

MUNGSHIKHÜN 104:29

Küyimki nü miro jikbanü, arü küpkhukchoh; nünü arü sheak lude tsochoh, arü shechoh tüsho arü yo asungthulung lim rholochoh.

MUNGSHIKHÜN 115:16

Achangbe yinmibo Atungpuh yo ah; tüshe apinü alomi ju mihtsürü tsührübo kilim jih.

MUNGSHIKHÜN 139:3

Nünü I tsahpung tüsho I yapkhi ngülah, tüsho I limrobo alala mütsanlah.

MUNGSHIKHÜN 146:4

Api me chamachihchoh, api nihbuh lo lim rholochoh; ju nimung chingnü api lümkhibo dükheakchoh.

MÜCHITMUDU 20:24

Mihtsürü jingdükübo A TUN GPU H kilimnü lah; dale küde thsah mihtsürünü nihbuh limro mükheahkhukpü?

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 14:13

Nünü nü mulong ching tha, Inü yinmi ching yükihbah; inü I kiulongthsü-binkiu ju Thrünpuh chiningbo kumung shuhkihbah; inü mukhungmüdan wung Zaphon mujuk kheak binbah;

ISAIA 2:12

Tümüde kükheangküyangrü tüsho changde-alümrü, ashuhkihkhi tüsho achangkhi alala azhihde Wuto Atungpuh nimung khülang lah;

ISAIA 33:10

Atungpuhnü thachoh, kheakü I shuhkihbah, kheakü I wusubah;

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 42:5

Atungpuh , Thrünpuhnü ha thachoh, shenü thüningbo thrünkhea tüsho atoshihkhea, shenü alomi tüsho ju ching lakhi jashihkhea, shenü ju kheak mihtsürübo kilim sheak tüsho ju ching tsahrü kilim me jihcho:

JEREMIA 10:23

Inü mükheahlah, O Atungpuh , mihtsürübo limro arü danyukkhi ching müla, mihtsürübonü atsahkhi ching arünü jing düküpü khuhlanga muhuhkhuk.

JEREMIA 48:26

Moab müshangshang, tümütüsho apinü Atungpuh azhihde müretahdo; anihbuhnü mülümkhi ching Moab awuhshang; api she münedung kambah.

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

EZEKIEL 28:17

Nü jak tsümo nünü kükheang; nü mungthu hode nü lümlung thsümünim. Inü nü alo ching bah; inü nü kiulongthsürübo miki nü kheak arü mükbo mürüngshihpü lahkhita zojih.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:5

Nü shothsümolo ching lümlung ato hode nü lakhit alü thsüdo tüsho nü lakhit ching nü mulong kükheangde kamdo.

EZEKIEL 31:10

Jumonü Atungpuh Thrünpuhnü ha thachoh: Tümütüsho ha changde rünkih tüsho amobo lung yükih tüsho achangkhinü mulong kükheangde kam,

DANIEL 11:12

Apinü akukkhi tüsho apinü bonungrü hihde alaksahkhi dünkheak apinü kükheangbah, tüshe ju ruk langa akuk müngü.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

DANIEL 8:11

Yinmi bonungrü yakzanshuhbuh she azhihde bukakhiukde rhimo; api kheaknü mutukzhakde taka kingaünkhi lude tso tüsho api arüngyam lahyuka bahjih.

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

YUNIRÜBO RHIMO 17:25

Tüsho apinü tümükhüh künkhi nangde mihtsürü khahnü mükipduhchoh, tümütüsho apinü lang mihtsürü alala kilim rhang le sheak tüsho lüpdükhi jihchoh.

1 KORINT 8:4

Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah.

1 TIMOTHI 3:6

Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah;

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 9:20

Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo;

MAHKHAPRÜ 16:23

Kheakü Filistia kiulongthsürübo arü thrünpuh Dagon kilim laksah-a kingaünkhi ato jihpü tüsho asühachihpü mukhung. Tüsho arünü tha, “Isa thrünpuhnü isa riri Samson isa khah ching jihdo!”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”