DANIEL 5:2 - AMÜSÜH HÜM CL Bible (BSI)

² Belshazzarnü yukhu yungakede alachoki, abuh Nebukednezarnü Jirusalem ching arüngyam chingnü ayihkhitkhi suna tüsho shotoyinchi pungphurubo lude azahpü thiyukhüm jih, junangde kiulongthsüpuh, api putungrü, aniubebo, tüsho hanniubebonü jurü chingnü ayungpü lakheah.

DANIEL 5:2 Iomraidhean Croise

2 SAMUEL 9:7

Davidnü api ki tha, “Dütre, tümüde nü buh Jonathan thsülimnü inü nü ki mihmuzho huhbah; nü pü Saul lo alala nü kilim inü ajihlobah, tüsho kamruhroro nü I dükhüm kheak yimtsühbah.”

2 KIULONG THSÜRÜ 24:13

Apinü Atungpuh yam rahpung, tüsho kiulongthsüpuh yam rahpungbo alala hanbah tso; ha alala Atungpuhnü müchitkhi nangde, apinü Israel kiulongthsüpuh Solomonnü athsükhi suna kukrukbo alala Atungpuh arüngyam ching lakhi adütre kamde kingthünak.

2 KIULONG THSÜRÜ 25:15

Suna tüsho shotoyinchi müthsünnü athsükhi mophühbo tüsho müsühmüraphurubo, aheangrü wühkenobuhnü lubah yü.

2 KIUTHSÜYUKHEAN 11:20

Anihbe dunglim apinü Absalom tsührübe Maaka lu, anihbenü api kilim Abija, Attai, Ziza, tüsho Shelomith zübejih.

2 KIUTHSÜYUKHEAN 15:16

Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 36:10

Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

2 KIUTHSÜYUKHEAN 36:18

Thrünpuh yam ching yo pungphuru alala, ato tüsho anini, tüsho Atungpuh yam rahpungbo, kiulongthsüpuh tüsho api yo atorübo rahpungbo, harü alala apinü Babilon ching lude yü.

EZRA 5:14

Nebukednezar nü Jirusalem arüngyam chingnü lude yünü Babilon arüngyam ching zokhi suna, arüngyam yinchi pungphurubo Sairusnü yihkhitloa Juda kovünor Sheshbazzar khah ching yukjih.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 50:35

Kaldearü tüsho Babilon ching larü azhihde, tüsho anihbe torübo tüsho lümlung larü azhihde nukshang khülang lah, Atungpuhnü thachoh!

JEREMIA 52:19

Aheangrü wühkenobuhnü phurusük aninibo, mophuru, müsühmüra-phuru, phühbo, tsünpung zopung, jakobo, tüsho pungbo she suna tüsho shotoyinchinü athsükhi lu.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 5:13

Judüki Daniel ju kiulongthsüpuh miki bede yüzah. Kiulongthsüpuhnü Daniel ki tha, “ Nü Daniel, I buh kiulongthsüpuhnü Juda chingnü bedarükhi, Juda ramtsorü khülang a de?

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 5:3

Jumonü Jirusalem ching Thrünpuh yam, arüngyam chingnü ayihkhitkhi suna tüsho shotoyinchi pungphurubo lude azah, tüsho kiulongthsüpuh le api putungrübo, aniubebo, tüsho hanniubebonü jurü chingnü yung.

DANIEL 5:30

Ju tsüngrenü Kaldea kiulongthsüpuh Belshazzar ju laksah.

DANIEL 5:4

Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.

WÜHKHE 7:79

api kingaün ju arüngyam ching adünkhi shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;