DANIEL 4:9 - AMÜSÜH HÜM CL Bible (BSI)

⁹ “ O Belteshazzar, wurük-huhrü bolung atobuh, tümütüsho amüsüh Thrünpuh me nü kheak lakhi inü mükheahlah tüsho nü thsungkheak aramyu tümü küpkhuk müla, inü angükhi milim ha lah; I ki thanakang.

DANIEL 4:9 Iomraidhean Croise

THRÜNTAN 41:38

Tüsho Pharaonü ayamlarübo ki tha, “Thrünpuh me lakhi mihtsürü hadürü isanü angükhukba de?”

ISAIA 33:18

Nü lümkhi atrebe kheak mangmangyaya-a alabah: “Atobuh thsü küching la? Ruk-threbuh thsü küching la? Aheangsadam atobuh thsü küching la?”

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

EZEKIEL 17:23

Israel müzüng achang kheak inü ju khimbah; hanü akhahbo chinbah tüsho aso asobah tüsho athukhi cedar khülang kambah. Wuhnubo mungji abannü ju ching asap shubah; arünü ju khahbo alamme ching ku alampung ngübah.

EZEKIEL 28:3

Nü a Daniel kheaknü lümlung labe ah, junangde nü kheaknü tümü rama mülakhuk de lümchoh;

DANIEL 1:20

Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 2:48

Judüki kiulongthsüpuhnü Daniel ju binkiu achang ching zojih tüsho thsambah ahihdo api ki mujungde zojih. Apinü anihbuh ju Babilon lomi alala kurungkheak yakzanshuhrü kamshih tüsho lümlung larü mihtsürü alala kurungkheak akeanangrü aku kamshih.

DANIEL 4:18

Ha I, Nebukednezarnü milim ngükheah. Tüsho nü, O Belteshazzar, thanakkhi amütsan I ki thaang, tümütüsho I kiulongthsü mihtsürü alalanü I ki thanaka müjihkhuk, tüshe nünü kuklah, tümüde amüsüh Thrünpuh me nü kheak lah.”

DANIEL 4:5

Inü milim khülang ngübah I müyinsahshih; yapkiu ching lümzülümdo tüsho michihbonü I müyinsahshih.

DANIEL 4:8

Akheam ching Daniel I miki azah–shepü I thrünpuh mung yande Belteshazzar de ajikhea, tüsho shepü kheak amüsüh Thrünpuh me lakhea–tüsho inü api ki milim tha,

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

1 SAMUEL 4:8

Isa are! Harü wuto thrünpuhbo khah chingnü shenü isa bekhitkhukba? Harü thrünpuhbonü sunglo ching Ijiprü arüm aphuaphunü asheshihkheah.