DANIEL 4:8 - AMÜSÜH HÜM CL Bible (BSI)

⁸ Akheam ching Daniel I miki azah–shepü I thrünpuh mung yande Belteshazzar de ajikhea, tüsho shepü kheak amüsüh Thrünpuh me lakhea–tüsho inü api ki milim tha,

DANIEL 4:8 Iomraidhean Croise

THRÜNTAN 41:38

Tüsho Pharaonü ayamlarübo ki tha, “Thrünpuh me lakhi mihtsürü hadürü isanü angükhukba de?”

ISAIA 46:1

Belnü khukningchoh, Nebonü mükhümchoh, arü sangthsübo shiwüh tüsho moshibo kheak lah; nüsanü ahankhibo ha akeakpü lakhi shiwühbo kheak hahmülang lah.

ISAIA 63:11

Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

EZEKIEL 17:23

Israel müzüng achang kheak inü ju khimbah; hanü akhahbo chinbah tüsho aso asobah tüsho athukhi cedar khülang kambah. Wuhnubo mungji abannü ju ching asap shubah; arünü ju khahbo alamme ching ku alampung ngübah.

DANIEL 1:7

Akubeatobuhnü arü kilim püpü mung asobo jijih: apinü Daniel ki Belteshazzar de ji, Hanania ki Shadrak, Mishael ki Meshak, tüsho Azaria ki Abednego de ji.

DANIEL 2:11

Kiulongthsüpuhnü akeokhikhi ju khide chaklah, tüsho mihtsürü lung mülakhi thrünpuhbonü khüh yungsho shenü she ha kiulongthsüpuh ki müthakhitkhuk.”

DANIEL 2:26

Kiulongthsüpuhnü mung Belteshazzar de ajikhi Daniel ki tha, “ Inü angükhi milim tüsho thanakkhi nünü I kilim thakhukba de?”

DANIEL 3:14

tüsho Nebukednezarnü arü ki tha, “Shadrak, Meshak tüsho Abednego, nüsanü I thrünpuhbo yungsho inü thsüa zhipshihkhi suna mejak mütankihkhi ju atsütsüa de?

DANIEL 4:18

Ha I, Nebukednezarnü milim ngükheah. Tüsho nü, O Belteshazzar, thanakkhi amütsan I ki thaang, tümütüsho I kiulongthsü mihtsürü alalanü I ki thanaka müjihkhuk, tüshe nünü kuklah, tümüde amüsüh Thrünpuh me nü kheak lah.”

DANIEL 4:9

“ O Belteshazzar, wurük-huhrü bolung atobuh, tümütüsho amüsüh Thrünpuh me nü kheak lakhi inü mükheahlah tüsho nü thsungkheak aramyu tümü küpkhuk müla, inü angükhi milim ha lah; I ki thanakang.

DANIEL 5:14

Thrünpuh me tüsho mükheahmudu anikhitkhi tüsho lümlung nü kheak lah de inü sodo.