DANIEL 4:7 - AMÜSÜH HÜM CL Bible (BSI)

⁷ Judüki kuhikheahrü, wurük-huhrü, thümürü, chining-kherübo tüsho Kaldearü alala bede azah, tüsho inü arü ki thaa huh, tüshe arünü I ki müthanakkhuk.

DANIEL 4:7 Iomraidhean Croise

THRÜNTAN 41:24

Tüsho adüsükkhi aye thünenü aye atsü thüne ju muyuabah. Jumonü inü ha wurük-huhrübo ki tha, tüshe I ki thanakkhukpü she mülade alakheah.”

THRÜNTAN 41:8

Jumonü yapsu api me küpkhukde alakheah; apinü thiyia yüshihbah Ijip wurük-huhrü tüsho lümlung lakhi mihtsürü alala ji. Pharaonü arü ki api milim tha, tüshe Pharao thsungkheak jurü thanakpü she mülakheah.

MUNGSHIKHÜN 37:35

Inü mihbukmuyuk ju wu ching tode, Lebanon cedar sang nangde changde ngü.

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

EZEKIEL 31:3

Asiria lümakheahang, Lebanon cedar khülang, akhahbo atsü tüsho alamdokhi murung, tüsho tode amo khiungde achangkhi.

DANIEL 1:4

athrününgtsüng mihtsürü shihphü ching areak mülarü tüsho trungdung atsü, lümlung ching thsambah larü, mükheahmudu lakhi tüsho nahde anikhitrü, kiulongthsüpuh yam ching tankihpü athülün; arü ki Kaldearü yuthrüt tüsho yutha thsangyupü lakheah.

DANIEL 2:10

Kaldearünü kiulongthsüpuh ki alo, “ Kiulongthsüpuhnü alunekhi akhiuka huhkhukpü thsüde alomi kheak sheshe müla! Atsütsü she kiulongthsüpuh, ato tüsho wulakhinü, hadürü küyimkishe kuhi-kheahrü yungsho wurük-huhrü yungsho Kaldearü ki keoamükheah.

DANIEL 2:27

Danielnü kiulongthsüpuh ki alo, “ Lümlung larü mihtsürü, kuhikheahrü, wurük-huhrü yungsho müchitrü shenü she kiulongthsüpuhnü akeokhikhi amüthakhukkhi aramyu muhuhkhuk,

DANIEL 2:7

Arünü mahne kipü alo, “ Kiulongthsüpuhnü akhuhde ayamlarübo ki milim thaang, jushu isanü thanakanü.”

DANIEL 3:8

Jumonü, ha kim ching Kaldearü khürü mikhuh ching arü tüsho Jihudarü azhihde tha.

DANIEL 4:18

Ha I, Nebukednezarnü milim ngükheah. Tüsho nü, O Belteshazzar, thanakkhi amütsan I ki thaang, tümütüsho I kiulongthsü mihtsürü alalanü I ki thanaka müjihkhuk, tüshe nünü kuklah, tümüde amüsüh Thrünpuh me nü kheak lah.”

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

DANIEL 5:8

Judüki kiulongthsüpuh yo lümlung larü mihtsürü alala azah, tüshe arünü athrütkhi ju mükhekhuk yungsho kiulongthsüpuh ki müthanakkhuk.