DANIEL 4:6 - AMÜSÜH HÜM CL Bible (BSI)

⁶ Jumonü I ki milim thanakpü thsüde Babilon lümlung larü mihtsürü alala I miki bedarüpü inü thiyuzüng thsü.

DANIEL 4:6 Iomraidhean Croise

ABEKHIT 7:11

Tüshe Pharaonü she lümlung larü mihtsürü tüsho wurük-huhrü jide arü; junangde Ijip wurük-huhrübonü she arü wurüknü ju ruk thsü.

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 2:2

Jumonü apinü anihbuh ki amilim thanakshihpü kuhikheahrü, wurük-huhrü tüsho Kaldearü, thümürübo jide arüpü yüshih. Küyimki arü arükhea tüsho kiulongthsüpuh miki zhipkhea,

DANIEL 2:48

Judüki kiulongthsüpuhnü Daniel ju binkiu achang ching zojih tüsho thsambah ahihdo api ki mujungde zojih. Apinü anihbuh ju Babilon lomi alala kurungkheak yakzanshuhrü kamshih tüsho lümlung larü mihtsürü alala kurungkheak akeanangrü aku kamshih.

DANIEL 4:15

Tüshe ame le ayingbo mükamde yinchi tüsho müwayinchi liunü hingbah alo ching lashang. Alo ching rimkiu bolung lashang. Ayinkenü api pangshang; tüsho shiwühbo le rimkiu bolung api lashang;

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”