DANIEL 4:5 - AMÜSÜH HÜM CL Bible (BSI)

⁵ Inü milim khülang ngübah I müyinsahshih; yapkiu ching lümzülümdo tüsho michihbonü I müyinsahshih.

DANIEL 4:5 Iomraidhean Croise

THRÜNTAN 41:1

Kam mahnepü akheam lim Pharao milim khülang lakheah; api Nile ayung miki zhip.

DANIEL 1:7

Akubeatobuhnü arü kilim püpü mung asobo jijih: apinü Daniel ki Belteshazzar de ji, Hanania ki Shadrak, Mishael ki Meshak, tüsho Azaria ki Abednego de ji.

DANIEL 2:1

Nebukednezar kiulongthsü kam mahnepü ching, apinü milim mi; api me küpkhuk tüsho müyapkhukde alakheah.

DANIEL 2:3

apinü arü ki tha, “ Inü milim khülang mibah ju mükheahnekhinü I me küpkhukde lah.”

DANIEL 4:10

I yapkiu ching yapde alachoki I michihbo harü lakheah: Kheahang, alomi phulung ching sangdung khülang inü ngü; ju muliuhde changde alakheah.

DANIEL 4:13

“ I yapkiu ching yapbah michih lachoki, aheangrü, yunirü khülang yinmi chingnü akide inü ngü.

DANIEL 4:15

Tüshe ame le ayingbo mükamde yinchi tüsho müwayinchi liunü hingbah alo ching lashang. Alo ching rimkiu bolung lashang. Ayinkenü api pangshang; tüsho shiwühbo le rimkiu bolung api lashang;

DANIEL 4:19

Judüki Belteshazzar de ajikhi Daniel ju anükhüh kheak lüm shangmangde kam. Anihbuh lümkhinü api trede kamshih. Kiulongthsüpuhnü tha, “Belteshazzar, milim yungsho thanakkhinü nü trede dükam.” Belteshazzarnü alo, “ I tungpuh, milim ju nü thraneanrü thsungkheak tüsho thanakkhi ju nü riribo thsungkheak lashang!

DANIEL 5:10

Kiulongthsübenü küyimki kiulongthsüpuh tüsho api putungrübo atsangachihkhi sokheanü, aniojikhi yam ching yüzah. Kiulongthsübenü tha, “ O kiulongthsüpuh, kutsüpde laang! Nü lümkhilümduhbonü nü trede dükamshih yungsho nü miro pheakmulukdo dükam.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 7:1

Babilon kiulongthsüpuh Belshazzar kam akhuhbe ching, Danielnü yapkiu ching yapde alachoki milim tüsho michihbo ngü. Jushu apinü milim ju thrüt:

DANIEL 7:28

Akhekhi ha akheam. I, Daniel thsungkheak a, I lümkhinü I tode treshih, tüsho I miro pheakmulukdo kam; tüshe amütsan inü I lüm ching zo.