DANIEL 4:21 - AMÜSÜH HÜM CL Bible (BSI)

²¹ küpü ayübo akhamde lakhea tüsho asobo suhdahkhea, tüsho küpü ching alala thsungkheak tsühyungbe lakhea; küpü khüp mütüm shiwüh alamkhea, tüsho küpü khahbo ching thüning wuhnu lakhea–

DANIEL 4:21 Iomraidhean Croise

MUNGSHIKHÜN 104:17

Ju ching wuhnubonü arü sapbo shuchoh; kewuhnu a tsünsangbo ching ayam lah.

EZEKIEL 17:23

Israel müzüng achang kheak inü ju khimbah; hanü akhahbo chinbah tüsho aso asobah tüsho athukhi cedar khülang kambah. Wuhnubo mungji abannü ju ching asap shubah; arünü ju khahbo alamme ching ku alampung ngübah.

EZEKIEL 31:6

Sangkhahbo ching wuhnubo alalanü asap shuchoh; ha dübeakkhi khüpnü mükeak shiwühbo alalanü anunu anujih; tüsho ha alamme khüp trükshihbo alala la.

DANIEL 2:38

shepü khah ching apinü mihtsürübo jihkhea, arü küching küching lalashe, thulu ching mütüm shiwühbo, tüsho thüning wuhnubo, tüsho apinü shepü ki arü alala kurungkheak yakzanshuhrü kamshih– nü ju suna aku khülang ah.

DANIEL 4:11

Sangdung ju tode yükih tüsho müküpde kam, tüsho amuyunü thüning khiung, tüsho alomi athrünkhi akheam chingnü ju ngüde alakheah.

DANIEL 4:20

Nünü angükhi sangdung küpü ato tüsho düküngde kamkhea, junangde amuyunü thüning khiung, tüsho ju alomi athrünkhi ching alalanü ngüde alakheah;

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

LUKNÜ ATHRÜTKHI THIYUSHEAK-ATSÜ HUHTANYU 13:19

Haju mihtsürü khülangnü woninji lubah api wündo ching yukkhi kiphahlah; ha tochoh tüsho sangdung ato kamchoh, tüsho thüning wuhnubonü ju khahbo ching arü sapbo shuchoh.”