DANIEL 4:2 - AMÜSÜH HÜM CL Bible (BSI)

² Khide Achang Thrünpuhnü I thsungkheak amütsanbo tüsho amüyinsahbebo rhimokhibo inü asühde khechoh.

DANIEL 4:2 Iomraidhean Croise

JOB HU H T ANYU 7:14

nünü milimbonü I treshihchoh tüsho michihbonü I müyinsahshihchoh,

MUNGSHIKHÜN 51:14

O Thrünpuh, thiyih bukkhi mülimkhi chingnü I bekhitang, nü I akhümkhit Thrünpuh, tüsho inü asühde nü thiyuro-lungki zhiyukbah.

MUNGSHIKHÜN 65:9

Nünü alomi rhua kheah tüsho ke duh, nünü ju tode lakhitshih; Thrünpuh yo ayung ju kenü milah; nünü hi bede jih, junangde nünü tsanglunga zo.

MUNGSHIKHÜN 66:16

Nüsa Thrünpuh trerü alala, arang tüsho aniang, tüsho apinü I me thsungkheak tümü rhimoa lanü inü athabah.

MUNGSHIKHÜN 71:18

Kheaküshe I küyimki ashinbuhrü tüsho kubuyukba, inü ha arüpü lakhi lün mihbüm aban ki nü wu tüsho sühmüh müthayikia, O Thrünpuh, I dübahyuk.

DANIEL 2:1

Nebukednezar kiulongthsü kam mahnepü ching, apinü milim mi; api me küpkhuk tüsho müyapkhukde alakheah.

DANIEL 3:26

Judüki Nebukednezarnü motrukhi ripit ki yü tüsho zhi, “Shadrak, Meshak tüsho Abednego, khide Achang Thrünpuh yamlarübo, akhiukang! Ha kheak arang!” Jumonü Shadrak, Meshak tüsho Abednego arünü mo chingnü akhiuk,

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:24

athanakkhi ju ha lah, O kiulongthsüpuh, tüsho ha I tungpuh kiulongthsüpuh kheak arükhi Khide Achangbuh yuzüng ah:

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

DANIEL 6:27

Apinü bekhitchoh tüsho khümkhitchoh, apinü yinmi ching tüsho alomi kheak amütsan tüsho khinthiyinbe rhimochoh; tümüde apinü kekhüzübo wu chingnü Daniel khümkhit.”

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

JOHAN 4:48

Judüki Jisunü api ki tha, “Nüsabonü amüyinsahbebo tüsho khinthiyinbebo müngüyikia küdüküdü she akinpü yung.”

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”