DANIEL 3:7 - AMÜSÜH HÜM CL Bible (BSI)

⁷ Jumonü, arünü khün mungjibo düsheak soakede, mihtsürü alala, trükshih tüsho thiyutha aban mihtsürübonü khukning tüsho kiulongthsüpuh Nebukednezarnü thsüa zhipshihkhi suna mejak kingaün.

DANIEL 3:7 Iomraidhean Croise

JEREMIA 51:7

Babilon a Atungpuh khah ching suna pung lakheah, lomi alala müshangshih; trükshihbonü anihbe yukhu yungdo, tüsho junangde trükshihbo yingyingde kam.

DANIEL 2:46

Judüki kiulongthsüpuh Nebukednezarnü Daniel miki khukning tüsho api ki wüntre jih tüsho arünü anihbuh kilim kingaünbo tüsho rhümthüneabe jihshihpü thiyukhüm jih.

DANIEL 3:10

Nünü thiyuzüng ahiuhdo, O kiulongthsüpuh, sherünü khün mungjibo düsheak sobah mukhukningba tüsho suna mejak mükingaünba,

DANIEL 3:4

thiyusheak-jihrünü düsheak achangnü zhi, “Ha nüsanü arhimopü thiyukhüm jihchoh, O mihtsürübo, trükshihbo tüsho thiyutha aban mihtsürübo:

DANIEL 3:5

Nüsanü shihjuh, khungpi, hulipungpung, bingkhung, bingshang, huhpungbo tüsho khün mungji alala düsheak sosho khukningbeah tüsho kiulongthsüpuh Nebukednezarnü thsüa zhipshihkhi mejak kingaünang.

DANIEL 3:6

Shepünü mukhukningba tüsho mükingaünbanü judüchokinü motru ching jipyukbah.”

DANIEL 3:8

Jumonü, ha kim ching Kaldearü khürü mikhuh ching arü tüsho Jihudarü azhihde tha.

YUNIRÜBO RHIMO 14:16

Ahokhi lünbo ching apinü trükshih alala arü limrobo ching tsahpü mülüjih;

1 JOHAN 5:19

Isa Thrünpuh yo, tüsho alomiküp athrünkhi amünean wu ching lah de isanü mükheahlah.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 13:3

Aku bolung khülang ashebe mü nangde alakheah, tüshe ashebe mü ju nguabah, tüsho alomi lüpdükhinü müyinsahde shiwüh dunglim yan.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 17:8

Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.