DANIEL 3:28 - AMÜSÜH HÜM CL Bible (BSI)

²⁸ Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 3:28 Iomraidhean Croise

THRÜNTAN 9:26

Kheaküshe apinü tha, “Shem Thrünpuh, Atungpuh shiang! Kanan a Shem azhorü thsüshang.

1 KIUTHSÜYUKHEAN 5:20

arü azhihpü ching arübo rung, tüsho Hagrü le arü lung berü alala arü khah ching jih, tümüde thirithsü ching arünü Thrünpuh ki zhi. Apinü arü tamkhüntamnükhi sojih, tümütüsho arünü api kheak thiyuro lakheah.

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

EZRA 1:3

Nüsa bolung shepü api mihtsürüanü–api lung Thrünpuh lashang. Tüsho api Juda ching lakhi Jirusalem ching wutubah Atungpuh , Israel Thrünpuh, shepü Jirusalem ching lanü api arüngyam thsüshang.

EZRA 6:11

Ha yakzan manipü larü thsungkheak I yukhüm jihchoh, abinkiu sang ayam chingnü thokhita khimbah ju kheak zhinde asheshihbah, tüsho ayam ju bahyakpung kamshihbah.

MUNGSHIKHÜN 103:20

Nüsa api yunirübo, sherü sühmüh hodakla, sherünü api yukhüm anicho, sherünü apinü athakhi anicho, Atungpuh shiang.

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 33:21

Api kheak isa mulong asühlah, tümütüsho isanü api amüsüh mung ching kinchoh.

MUNGSHIKHÜN 34:22

Atungpuhnü api yamlarübo rhangdung rhokhitchoh; api kheak tsoyukrü sheshe mübahyuk.

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 3:25

Apinü tha, “ Kheahang! Mihtsürü phüyi mürhükde tüsho tümü müthsüde mo ching mühide atsahkhi inü ngüchoh, tüsho aphüyipü ju Thrünpuh tsührü nangde lah.”

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 6:16

Judüki kiulongthsüpuhnü thiyukhüm jih, tüsho Daniel bedarübah kekhüzübo yam ching jipyuk. Kiulongthsüpuhnü Daniel ki tha, “ Nünü thülünde tankihkhi nü Thrünpuhnü nü bekhitshang!”

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

YUNIRÜBO RHIMO 4:19

Tüshe Peter le Johan bünenü arü ki alo, “Thrünpuh kheaknü alü nüsa ki anipü Thrünpuh miki alim la shi yungnü nüsanü lümakheahang.

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

1 KORINT 13:3

Inü I lakhi alala zhochihrü kilim jihabahbah she, tüsho I pang atakpü jihjih she, amuzho mülasho, I alü müla.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 11:37

Arübo lungnü rusah, arübo mahne thsüde rhütshak, arübo nukshangnü laksah; arübo zhochihde, thsümüchide, tüsho mükhemükimde namfimihnubo tüsho mihnubo küpbo phuyubah rümde yü.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.