DANIEL 3:24 - AMÜSÜH HÜM CL Bible (BSI)

²⁴ Judüki kiulongthsüpuh Nebukednezarnü müyinsahde jukmusu tüsho api athsunganahrü ki keokhi, “ Isanü rhükbah motru ching yukkhi thsü arü mihtsürü mahsam yung de?” Arünü alo, “Atsütsünü, O kiulongthsüpuh.”

DANIEL 3:24 Iomraidhean Croise

2 KIUTHSÜYUKHEAN 22:4

Apinü Ahab yamkhünnü arhimokhi nangde Atungpuh miki amütsü rhimo; tümüde abuh she dunglim arübo ju api thsümünimpü, api tuthsukrü lakheah.

DANIEL 3:17

Isa motru ching ramyuksho, isanü tankihkhi Thrünpuhnü isa ju chingnü khümkhitkhuklah, tüsho Apinü isa nü khah chingnü bekhitbah, O kiulongthsüpuh.

DANIEL 3:23

tüsho harü mihtsürü mahsam ju düngdüng rhükbah motru ching yüzahshih.

DANIEL 3:25

Apinü tha, “ Kheahang! Mihtsürü phüyi mürhükde tüsho tümü müthsüde mo ching mühide atsahkhi inü ngüchoh, tüsho aphüyipü ju Thrünpuh tsührü nangde lah.”

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

DANIEL 5:6

Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

DANIEL 6:7

Kiulongthsü yo kiuthsürü alala, khiukdahkhibo tüsho kiuthsü-kovünorbo, lümthiyan-jihrü tüsho kovünorbonü kiulongthsüpuhnü thiyuzüng tüsho thiyukhüm khülang thsüshihpü mulongarihdo, junangde shepünü nü hobah thrünpuh yungsho mihtsürü ki nimung samrü dükeak ching tamkhüntamnübanü, O kiulongthsüpuh, kekhüzübo yam ching jipyukbeah.

YUNIRÜBO RHIMO 12:13

Apinü ripit aleanglim thrung tüsho Rhoda de ajikhi anünübenü alopü arü.

YUNIRÜBO RHIMO 26:13

O kiulongthsüpuh, animuro thüning chingnü ani kheaknü ayinbe ayin khülangnü I tüsho l lung hantsahrü mükamde tah.

YUNIRÜBO RHIMO 26:27

Kiulongthsüpuh Agrippa, nünü wukihrübo kincho shi? Nünü kinchoh de inü mükheahlah.”

YUNIRÜBO RHIMO 9:6

tüshe asürang tüsho kiuto ching yüzahang, tüsho tümü rhimobeanü nü ki thabah.”

1 SAMUEL 17:55

Küyimki Davidnü Goliath azhihde ayükhi Saulnü angükhea, apinü bonungrü limthobuh Abner ki tha, “ Abner, ha shepü tsührü a?” Abnernü tha, “O kiulongthsüpuh, nü rhangdung la khiungde, inü mümükheah.”