DANIEL 3:12 - AMÜSÜH HÜM CL Bible (BSI)

¹² Tüshe Jihudarü khürü Babilon lomi kurungkheak nünü azojihkhi– Shadrak, Meshak tüsho Abednego arünü nü ki mihyumani, O kiulongthsüpuh. Arünü nü thrünpuhbo mütankih yungsho nünü thsüa zhipshihkhi suna mejak mükingaün.”

DANIEL 3:12 Iomraidhean Croise

ESTER 3:8

Hamannü kiulongthsüpuh ki tha, “Nü kiulongthsü bukkhüp trük khülang lah. Arünü püpürü kheaknü büthsüde yakzan ahorichoh. Ju lang yung, arünü nü yakzan mani, jumonü judürü mihtsürü kheak amümürang thsübe yung.

MÜCHITMUDU 27:4

Bukmükekhi ju yihkhro tüsho bukakhiukkhi ju düchi, tüshe shepünü mükthsükhi müngüh zhipkhukba?

T H S AN GYU T H S AN GR ARÜ 4:4

Kheaküshe rhimokhi alala tüsho rhimo ching yeanzamkhi ha mihtsürü khülangnü püpürü ki mükthsükhi hode arüchoh de inü ngüdo. Ha she akeangkeang tüsho apung dunglim müshamchoh.

DANIEL 1:7

Akubeatobuhnü arü kilim püpü mung asobo jijih: apinü Daniel ki Belteshazzar de ji, Hanania ki Shadrak, Mishael ki Meshak, tüsho Azaria ki Abednego de ji.

DANIEL 2:48

Judüki kiulongthsüpuhnü Daniel ju binkiu achang ching zojih tüsho thsambah ahihdo api ki mujungde zojih. Apinü anihbuh ju Babilon lomi alala kurungkheak yakzanshuhrü kamshih tüsho lümlung larü mihtsürü alala kurungkheak akeanangrü aku kamshih.

DANIEL 2:49

Kheaküshe Danielnü amushukhi hode kiulongthsüpuhnü Shadrak, Meshak tüsho Abednego Babilon lomi kurungkheak kiuthsürü mokhit, judüki Daniel a kiulongthsü-binkiu ching lakheah.

DANIEL 3:11

tüsho shepünü mukhukningba tüsho mükingaünbanü motru ching jipyukbah.

DANIEL 3:16

Shadrak, Meshak tüsho Abednego arünü kiulongthsüpuh ki alo, “ O Nebukednezar, hadürü ching nü miki isanü alopü yihnüpü müla.

DANIEL 3:29

Jumonü trükshih khürü mihtsürü yungsho thiyutha shepünü Shadrak, Meshak tüsho Abednego Thrünpuh azhihde tümükhüh thabanü adütre kamde akhapbah tüsho arü yambo sünit-bahpung kamshihbah de inü thiyuzüng khülang thsüchoh, tümüde püpü thrünpuh shenü she hanangde mükhümkhitkhuk.”

DANIEL 3:30

Judüki kiulongthsüpuhnü Shadrak, Meshak tüsho Abednego Babilon lomi ching shuhkihjih.

DANIEL 6:13

Judüki arünü kiulongthsüpuh ki alo, “Juda chingnü ramtsorü bolung khülang, Danielnü nü ki yungsho nünü mütsan-dokhi yukhüm mani, O kiulongthsüpuh, tüshe apinü nimung ching mahsam ki tamkhüntamnüchoh.”

DANIEL 6:14

Küyimki kiulongthsüpuhnü ha thakhi sokhea, api khide lümthsünüde kam. Apinü Daniel khümkhitpü lümkih, tüsho ani yüzah khiungde api khümkhitpü anihbuhnü lüpdükhi rhimoakheah.

YUNIRÜBO RHIMO 17:7

tüsho Jasonnü ane beyukdo; tüsho arü alalanü Jisu ju kiulongthsüpuh ah de thade Kaesar yakzan azhihchoh.”

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”