DANIEL 2:9 - AMÜSÜH HÜM CL Bible (BSI)

⁹ nüsanü I ki milim müthasho, nüsa thsungkheaknü lümkhi khülang lah. Nüsanü atsü dünjibah de mulonglamde I ki akeangyu thapü tüsho bephülapyu thapü mulongkhitdo. Jumonü I ki milim thaang tüsho nüsanü thanakkhukbah de inü mükheahbah.”

DANIEL 2:9 Iomraidhean Croise

1 KIULONG THSÜRÜ 22:22

Atungpuhnü api ki keokhi, ‘ Küde thsah?’ Apinü alo, ‘Inü awukhiukbah tüsho anihbuh wukihrübo mün ching akeangyu tharü me thsübah.’ Judüki Atungpuhnü tha, ‘Nünü api mulomülapbah, tüsho nünü api bephülapbah; wukhiukang tüsho ju rhimoang.’

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

ESTER 4:11

“Athrürü yungsho aliberü, khürükhüh müjide kiulongthsüpuh yamlung lim yüzahsho ju mihtsürü ashepü tsütsü. Ju thiyukhüm ah; kiulongthsüpuh ki lümlung-jihrübo tüsho lomi mihtsürübonü mükheahlah. Ha yakzan hode atsokhitpü limro ju: Küyimki kiulongthsüpuhnü khürü ki shoto tso shuhkihbanü akhümkhitbah tüshe nimung samrü bande kiulongthsüpuhnü I müji.”

MÜCHITMUDU 12:19

Thiyuro münküp ju lünnü rünkhiungbah, tüshe keangtha mulo anükhühkheak thsungkheak ah.

ISAIA 41:23

Ha dunglim tümü arübanü isa ki thaang, junangde nüsa ju thrünpuhbo ah de isanü amükheahbah; atsü thsang, yungsho thsümünimang, junangde isanü atrebah tüsho müyinsahbah.

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

EZEKIEL 13:17

Mihtsürü tsührü, kheakü nü mihtsürü tsührübebo arü lümkhinü müchitrü azhihde nü miro abinang. Arü azhihde müchitang

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

EZEKIEL 13:6

Arü michihbo arükchih tüsho arü müchitkhi akeangyu. Atungpuhnü arü müthiyide thachoh, “Atungpuhnü thachoh”; tüsho arü yu dünjipü arünü mükkin thsüchoh.

DANIEL 2:16

Jumonü Danielnü yüzah tüsho kiulongthsüpuhnü api kilim kim jihshihpü mushu, junangde apinü kiulongthsüpuh ki thanaka huhpü lakheah.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 2:8

Kiulongthsüpuhnü alo, “ Nüsanü kim beshangpü mürangchoh de inü tsükjide mükheahlah, tümütüsho inü thiyuzüng müküpde athsükhi nüsanü mükheahlah:

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

DANIEL 5:28

P E R E S, nü kiulongthsü chamnakdo tüsho Midiarü le Persiarü kilim jihdo.”

DANIEL 5:31

Tüsho Midiarü Darius, kam 62 azorünü kiulongthsü leangkhia lu.

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.