DANIEL 2:48 - AMÜSÜH HÜM CL Bible (BSI)

⁴⁸ Judüki kiulongthsüpuhnü Daniel ju binkiu achang ching zojih tüsho thsambah ahihdo api ki mujungde zojih. Apinü anihbuh ju Babilon lomi alala kurungkheak yakzanshuhrü kamshih tüsho lümlung larü mihtsürü alala kurungkheak akeanangrü aku kamshih.

DANIEL 2:48 Iomraidhean Croise

2 SAMUEL 19:32

Barzillai ju khide ashinbuhrü, kam 80 azorü lakheah. Api Mahanaim ching lachoki apinü kiulongthsüpuh kilim tsühyungbe jih, tümüde api khide alarü mihtsürü lakheah.

2 KIULONG THSÜRÜ 5:1

Siria kiulongthsüpuh bonungrü wühkenobuh, Naaman ju mungthu mihtsürü tüsho anihbuh putungrünü wüntre jihkhi lakheah, tümütüsho api hode Atungpuhnü Siria kilim akuk ngüshih. Api athrungrü amüzhak mihtsürü thsüa lalashe, aphamrü lakheah.

JOB HU H T ANYU 1:3

Api namfimihnu 7000, kemel 3000, sangkaplak kihkhi moshipung dudu 500, donki 500, tüsho yamlarü ahihdo lakheah; junangde ha mihtsürü aniakhiuklim mihtsürü alala lung aladreto lakheah.

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

DANIEL 2:6

Tüshe nüsanü milim kheanbah I ki thanakkhi huhsho, I kilimnü nüsa thsambahbo, mungshi tüsho wüntre ato leangkhibah. Jumonü I ki milim tüsho ju thanakkhi thaa huhang.”

DANIEL 3:1

Kiulongthsüpuh Nebukednezarnü suna mejak achanglim khahnap 60 tüsho atolim khahnap 6 thsü, tüsho ju Babilon lomi, Dura dükhün ching khima zo.

DANIEL 3:12

Tüshe Jihudarü khürü Babilon lomi kurungkheak nünü azojihkhi– Shadrak, Meshak tüsho Abednego arünü nü ki mihyumani, O kiulongthsüpuh. Arünü nü thrünpuhbo mütankih yungsho nünü thsüa zhipshihkhi suna mejak mükingaün.”

DANIEL 3:30

Judüki kiulongthsüpuhnü Shadrak, Meshak tüsho Abednego Babilon lomi ching shuhkihjih.

DANIEL 4:6

Jumonü I ki milim thanakpü thsüde Babilon lümlung larü mihtsürü alala I miki bedarüpü inü thiyuzüng thsü.

DANIEL 4:9

“ O Belteshazzar, wurük-huhrü bolung atobuh, tümütüsho amüsüh Thrünpuh me nü kheak lakhi inü mükheahlah tüsho nü thsungkheak aramyu tümü küpkhuk müla, inü angükhi milim ha lah; I ki thanakang.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 5:16

Tüshe nünü thanakkhukchoh tüsho lümkhilümduh mulong-mülüchoh de inü sodo. Kheakü nünü athrütkhi khekhuksho tüsho thanakkhuksho, nü kheak mürümmüri khim phuyujihbah, nü hung mükamde suna wuhrünlak khülang jihbah, tüsho kiulongthsü ching asampü ching lashihbah.”

DANIEL 5:29

Judüki Belshazzarnü thiyukhüm jih, tüsho mürümmüri khim Daniel kheak phuyujih, suna wuhrünlak ahung mükamde yukjih, tüsho kiulongthsü ching api binkiu asampü ching lapü dünkheak zhiyukjih.

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

DANIEL 8:27

Jumonü I, Daniel lümthsünüde kam tüsho nimung anükhüh tukthsüde yap; jushu inü asürü tüsho kiulongthsüpuh rhimo thsungkheak yü. Tüshe michihnü I yingyingabah tüsho ju manikhit.

WÜHKHE 24:11

Jumonü kheakü nü lapung lim tsoang. Inü nü tode akin jihbah de thado, tüshe Atungpuhnü akin jihshihpü chingnü tholoabahdo.”

1 SAMUEL 17:25

Israelrübonü tha, “Nüsanü ha buh mihtsürü atua la ha ngünah? Tsükjide api Israel müneahpü atua lah. Shepünü ju buh laksahbanü kiulongthsüpuhnü thsambah ato jihbah, tüsho api kilim atsührü aliberü jihbah tüsho Israel ching api yamkhün zuzu lashihbah.”

1 SAMUEL 2:8

Apinü zhochihrü asungthulung chingnü bemusuchoh; apinü mülamüthsürü awah mujung kheaknü, arübo kiulongthsürü tsührü lung binshihpü tüsho müretahkhi binkiu yamrüplurüp lushihpü shuhkihchoh. Tümüde alomi dungjingbo ju Atungpuh yo ah, tüsho jurü kheak apinü alomiküp zo. @SP ACE=

1 SAMUEL 25:2

Ju ching nihbuh lakhit-kukruk Karmel ching larü mihtsürü khülang Maon ching lakheah. Mihtsürü ju khide alarü lakheah; api namfimihnu 3000 tüsho mihnu 1000 lakheah. Api Karmel ching mihnu nam nipde alakheah.