DANIEL 2:45 - AMÜSÜH HÜM CL Bible (BSI)

⁴⁵ Nünü müzüng chingnü akhiukkhi lung khülang ngü, tüshe mihtsürü khahnü yung–yinchi, müwayinchi, alo, shotoyinchi tüsho suna adütre kamde ayihnakkhi lung khülang. Ato Thrünpuhnü arübe ching tümü dünjibanü kiulongthsüpuh ki huhdo. Milim ju thiyuro tüsho athanakkhi ju akinpü thülünkhi lah.”

DANIEL 2:45 Iomraidhean Croise

THRÜNTAN 41:26

Moshi atsü thüne ju kam thüne, tüsho aye atsü thüne ju kam thüne ah; milimbo khülang lang ah.

THRÜNTAN 41:28

Ha inü Pharao ki thado. Thrünpuhnü Pharao ki apinü arhimopü lakhi huhdo.

THRÜNTAN 41:32

Tüsho milim ju Pharao ki mahne ki huhdo, tümütüsho Thrünpuhnü ha thsakhama lah, tüsho Thrünpuhnü ha nahde adünjishihbah.

2 SAMUEL 7:22

Jumonü nü ato ah, O Atungpuh T HRÜNPU H ; tümüde nü nangde she müla, tüsho isa nükhünnü asokhea nü hobah Thrünpuh müla.

1 KIUTHSÜYUKHEAN 16:25

Tümüde ato ju Atungpuh , tüsho tode ashijihbe; api thrünpuhbo alala kurungkheak atrebe lah.

NEHEMIA 4:14

Mihtsürübonü mulong sansankhi ngübah inü arübo limberü tüsho atorübo ki tha, “Isa riri dütre. Atungpuh lümkhitang. Api küdükhüh ato tüsho atrebe, tüsho apinü nüsa mihtsürü, nüsa tsührübo, nüsa niuberü tüsho nüsa yambo thsungkheak keochihjihchoh.”

NEHEMIA 9:32

O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

JOB HU H T ANYU 36:26

Tsükjide Thrünpuh ju ato ah tüsho isanü api mümükheah; api kambo khekhi müyimkhuk.

MUNGSHIKHÜN 135:5

Tümüde Atungpuh ju ato ah de inü mükheahlah, tüsho isa Tungpuh ju thrünpuhbo alala kurungkheak lah.

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

MUNGSHIKHÜN 2:9

Nünü arübo yinchi tsonü yurijihbah, tüsho alophüh nangde adütre kamshihbah.”

MUNGSHIKHÜN 48:1

Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

MUNGSHIKHÜN 96:4

Tümüde Atungpuh ju ato tüsho tode ashijihpü lah; api ju thrünpuhbo alala kurungkheak trepü lah.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

DANIEL 2:24

Jumonü Danielnü Babilon lümlung larü mihtsürü dükheakshihpü kiulongthsüpuhnü mokhitbuh Ariok kilim yü, tüsho api ki tha, “Babilon lümlung larü mihtsürü düdükheakshih; kiulongthsüpuh miki I bede yüzahang, tüsho inü kiulongthsüpuh ki thanaka huhanü.”

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 2:29

O kiulongthsüpuh, nü yapa lachoki ha dunglim tümü labanü lümkhibo nü kilim arüdo, tüsho aramyu akhiuka huhbuhnü tümü thsübanü nü ki huhdo.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 8:25

Api rüknü api rük-thsükhi ching akuk ngübah, tüsho anihbuh lüm ching api zangrü shilobah. Mümükheahshihde apinü ahihdo thsümünimbah; tüsho apinü kiulongthsürü kheaknü kiulongthsürü she azhihbah; tüshe mihtsürü khahnü yungde api thsümünimbah.

HAGGAI 2:22

tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

ZEKARIA 12:3

Ju nimung mihtsürü alala thsungkheak inü Jirusalem ju lung amülang kamshihbah; ha shuhkihrü alala nihbuh zangrü khitode ayuribah. Tüsho lomi trükshih alalanü rukhüh thsübah ha azhihde arübah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 21:24

Tüshe Jisunü arü ki alo tüsho tha, “Inü she nüsa ki khülang keokhianü, ju nüsanü I ki thasho tümü thiyukhüm-sühmüh hode harü rhimochonü inü nüsa ki thabah:

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 17:20

Pharisirünü Thrünpuh kiulongthsü küyimki arüba de api ki keokhichoki, apinü arü ki alo tüsho tha, “Thrünpuh kiulongthsü ju angüpü thsüde marü,

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.

AMIKHEAKAKHIUKKHI 19:17

Judüki yunirü khülang ani ching zhipde inü ngü, tüsho thüning phulung phinde alakhi wuhnubo alala ki düsheak achangnü ji, “Arang, Thrünpuh thünio ato thsungkheak mukhungang,

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”