DANIEL 2:44 - AMÜSÜH HÜM CL Bible (BSI)

⁴⁴ Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 2:44 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

2 SAMUEL 7:16

Nü yam tüsho nü kiulongthsü I miki lünnü alashihbah; nü kiulongthsü-binkiu lünnü alabah.

MUNGSHIKHÜN 145:13

Nü kiulongthsü ju akheam müla kiulongthsü, tüsho nü yakzan shuhkhi lün alala ching rünkhiungde lah.

ISAIA 60:12

Tümüde nü mütankihpü lakhi trükshih tüsho kiulongthsü adükheakbah; jurü trükshihbo shahde thsümünima labah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 2:34

Nünü kheahde lachoki, mihtsürü khahnü yungde lung khülang keamkhi, tüsho junü sangthsü yinchi tüsho alo müphü kheak king tüsho adütre kamde trü.

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

DANIEL 2:37

Nü, O kiulongthsüpuh, kiulongthsürübo kurungkheak kiulongthsüpuh shepü kilim yinmi Thrünpuhnü kiulongthsü, wu, sühmüh, tüsho müretahkhi jihkhea,

DANIEL 2:43

Nünü yinchi le alo düsah-a ngükhi nangde, mihtsürübo khülangnü khülang düsah-a labah, tüshe yinchinü alo ching müthsürukhi nangde arünü arihakode müla.

DANIEL 4:3

Api amütsanbo küdükhüh ato, api amüyinsahbebo küdükhüh wuto! Api kiulongthsü ju akheam mülakhi kiulongthsü, tüsho api yakzan shuhkhi lün chingnü lün lah.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

DANIEL 6:27

Apinü bekhitchoh tüsho khümkhitchoh, apinü yinmi ching tüsho alomi kheak amütsan tüsho khinthiyinbe rhimochoh; tümüde apinü kekhüzübo wu chingnü Daniel khümkhit.”

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

DANIEL 8:25

Api rüknü api rük-thsükhi ching akuk ngübah, tüsho anihbuh lüm ching api zangrü shilobah. Mümükheahshihde apinü ahihdo thsümünimbah; tüsho apinü kiulongthsürü kheaknü kiulongthsürü she azhihbah; tüshe mihtsürü khahnü yungde api thsümünimbah.

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

HAGGAI 2:22

tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 12:34

Mihtsürübonü api ki alo, “Khrista lünnü alabuh de isanü yakzan chingnü sodo; Mihtsürü Tsührü abekihbah de küde thsah nünü thacho? Mihtsürü Tsührü ha she a?”

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 2:27

tüsho apinü yinchi tsonü arü yakzan shuhbah; alo phüh adütre kamde ayihthünakkhi nangde alabah–I she I Buh kilimnü wu leangkhia lah;