DANIEL 2:40 - AMÜSÜH HÜM CL Bible (BSI)

⁴⁰ Akheamde, yinchi nangde amüküp, kiulongthsü aphüyipü labah–tümüde yinchi lüpdükhi yihshakchoh tüsho adütre kamde kingnakchoh–junangde hanü püpürü alala zünakbah tüsho ayihshakbah.

DANIEL 2:40 Iomraidhean Croise

JOB HU H T ANYU 9:17

Tümüde apinü I chinthrüm müküpnü nütchoh, tüsho amüdopü mülade I mübo hihshihchoh;

JEREMIA 15:12

Dukulim yo shotolung ju yinchi khürünü ayihshakkhukba de?

DANIEL 2:33

ajinglünbo ju yinchi, amüphü ju chamkhüh yinchi tüsho chamkhüh alo.

DANIEL 2:39

Nü dunglim, nü kheaknü aninibe püpü kiulongthsü asürübah. Ju khin, müwayinchi nangde alakhi kiulongthsü asampünü lomi athrünkhi kurungkheak yakzan shuhbah.

DANIEL 2:41

Nünü ajing tüsho jingkutopü chamkhüh alo nungkhi tüsho chamkhüh yinchi ngükhi nangde, ha achamnak kiulongthsü labah; nünü yinchi ching alo thsürua ngüngü she, ju ching yinchi sühmüh khürü labah.

DANIEL 7:7

Jushu azhing ching inü michihbo ching shiwüh aphüyipü ngü, mihtrebe, atrebe tüsho khide amüküp lakheah. Ju yinchi hü ato lakheah tüsho adütre kamde tsühde alakheah, tüsho aningkhi ajingnü jung. Ha püpü shiwühbo kheaknü büthsü lakheah, tüsho ajuh thürü lakheah.

DANIEL 8:24

Api wu ato labah tüshe anihbuh wunü yung; tüsho apinü arhimokhi ching akuk ngübah, tüsho wulakhi mihtsürü tüsho amüsüh mihtsürü thsümünimbah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

AMOS 1:3

Atungpuhnü ha thachoh: Damaska mihtsürübonü alochode neak yihbeakkhi dünkheak inü thsümüchi mululo; tümütüsho arünü hi-nitbe yinchinü Gilead nitdo.

JOHAN 11:48

Isanü hanangde azuzu thsüshihsho, mihbüm abannü api kheak kinbah, tüsho Romrünü arübah isa lapung tüsho trükshih lude atsobah.”