DANIEL 2:39 - AMÜSÜH HÜM CL Bible (BSI)

³⁹ Nü dunglim, nü kheaknü aninibe püpü kiulongthsü asürübah. Ju khin, müwayinchi nangde alakhi kiulongthsü asampünü lomi athrünkhi kurungkheak yakzan shuhbah.

DANIEL 2:39 Iomraidhean Croise

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

DANIEL 10:20

Jushu apinü tha, “Tümü thsüpü I nü ki arükheanü nünü mükheahla shi? Tüshe kheakü I Persia yakzanshuhbuh bede keochihpü alode ayübah, tüsho küyimki I yübanü, Greek yakzanshuhbuh arübah;

DANIEL 2:32

Sangthsü ku ju suna müthsün, atreang tüsho abinbo ju shotoyinchi, abuk tüsho phobo ju müwayinchi,

DANIEL 2:38

shepü khah ching apinü mihtsürübo jihkhea, arü küching küching lalashe, thulu ching mütüm shiwühbo, tüsho thüning wuhnubo, tüsho apinü shepü ki arü alala kurungkheak yakzanshuhrü kamshih– nü ju suna aku khülang ah.

DANIEL 2:40

Akheamde, yinchi nangde amüküp, kiulongthsü aphüyipü labah–tümüde yinchi lüpdükhi yihshakchoh tüsho adütre kamde kingnakchoh–junangde hanü püpürü alala zünakbah tüsho ayihshakbah.

DANIEL 7:23

Apinü athakhi ju ha: “Shiwüh aphüyipü ju alomi kheak kiulongthsü aphüyipü labah, ju püpü kiulongthsübo alala kheaknü büthsü labah; hanü alomi athrünkhi tsühbah tüsho thrümthünakbah, tüsho adütre kamde yihthünakbah.

DANIEL 8:20

Nünü angükhi ajuh mahne kihkhi namfimihnupung thsungkheak ju, harü ha Midia tüsho Persia kiulongthsürübo ah.

DANIEL 8:21

Mihnu pung ju Greek kiulongthsüpuh, tüsho amükbo dükeak ajuh ato ju akhuh kiulongthsüpuh ah.

ZEKARIA 6:3

asampü lolungbe ching khora amüyebo tüsho aphüyipü lolungbe ching khorabo aneakjik lakheah.

ZEKARIA 6:6

Khorabo amürak lakhi lolungbe ju dukulim lomi lim yü, amüyebonü aniyüzahlim lomi thrip yü, tüsho aneakjikbonü düjinglim lomi thrip yü.”