DANIEL 2:37 - AMÜSÜH HÜM CL Bible (BSI)

³⁷ Nü, O kiulongthsüpuh, kiulongthsürübo kurungkheak kiulongthsüpuh shepü kilim yinmi Thrünpuhnü kiulongthsü, wu, sühmüh, tüsho müretahkhi jihkhea,

DANIEL 2:37 Iomraidhean Croise

1 KIULONG THSÜRÜ 4:24

Tümüde apinü aniyüzahlim Euphra kewung alala, Tiphsa chingnü Gaza khiungde kiulongthsürübo alala kurungkheak yakzan shuh; tüsho thrip alala ching apinü mungtsü lakheah.

2 KIULONG THSÜRÜ 25:28

apinü mihmuzhode api ki asuk, tüsho Babilon ching api lung lakhi püpürü kiulongthsürü kurungkheak api kilim binkiu atobe jih.

2 KIUTHSÜYUKHEAN 36:23

“Persia kiulongthsüpuh Sairusnü ha thachoh: Atungpuh , yinmi Thrünpuhnü, I kilim alomi kiulongthsü alala jihdo, tüsho Juda ching lakhi Jirusalem ching thüyam khülang thsüpü apinü I ki thiyukhüm jihdo. Nüsa api mihtsürü alala bolung shepü la? Atungpuh anihbuh Thrünpuh api lung lashang, tüsho api wu toshang!”

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 7:12

“Artazerzes kiulongthsübo kurungkheak kiulongthsüpuh kilimnü Ezra amükeambuh, yinmi Thrünpuh yakzan thrütakhinbuh kilim.

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

MÜCHITMUDU 8:15

I hode kiulongthsürübonü kiulongthsüchoh, tüsho yakzanshuhrübonü thiyuro yakzan thsüchoh.

ISAIA 10:8

Tümüde apinü tha: “ I yo limthorübo alala kiulongthsürü yung de?

ISAIA 47:5

Zhikde binang, tüsho amiting ching yüzahang, tsührübe Kaldea! Tümüde nü kheaküa kiulongthsüberü de müji.

JEREMIA 28:14

Tümüde Wuto Atungpuh , Israel Thrünpuhnü ha thachoh: Inü trükshih alala hung kheak yinchikaplak yihkihjihdo, junangde Nebukednezar tankihbah, tüsho arünü dükde api tankihbah; inü api kilim mütüm shiwühbo she jihdo.

JEREMIA 34:1

Babilon kiulongthsüpuh Nebukednezar tüsho api bonungrü alala tüsho lomi kiulongthsü alala tüsho api yukhüm bukkhüp larü mihtsürü alalanü Jirusalem tüsho kiuto alala bede keochihchoki, Atungpuh yu Jeremia kilim arü:

EZEKIEL 26:7

Tümüde Atungpuh Thrünpuhnü ha thachoh: Inü Tair azhihde dukulimnü Babilon kiulongthsüpuh Nebukednezar, kiulongthsürübo kheaknü kiulongthsürü bedarübah, ju lung khorabo, khora-lolungbe, khoraberü tüsho bonungrü ahihdo bebah.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

DANIEL 2:31

“ Nünü kheahde alakheah, O kiulongthsüpuh, tüsho kheahang! Sangthsü ato khülang lakheah. Ha sangthsü ju amuliuh, azhingzhing tüsho arakrak lakheah; ju nü miki zhipde alakheah, tüsho aphü ju atrebe lakheah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 4:19

Judüki Belteshazzar de ajikhi Daniel ju anükhüh kheak lüm shangmangde kam. Anihbuh lümkhinü api trede kamshih. Kiulongthsüpuhnü tha, “Belteshazzar, milim yungsho thanakkhinü nü trede dükam.” Belteshazzarnü alo, “ I tungpuh, milim ju nü thraneanrü thsungkheak tüsho thanakkhi ju nü riribo thsungkheak lashang!

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:3

Api amütsanbo küdükhüh ato, api amüyinsahbebo küdükhüh wuto! Api kiulongthsü ju akheam mülakhi kiulongthsü, tüsho api yakzan shuhkhi lün chingnü lün lah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

HOSEA 8:10

Arünü nihbuh zangrü trükshihbo lung mulolo she, inü arübo nahde bemukhungbah. Arünü nahde kiulongthsürübo tüsho yakzanshuhrü hahmülang khüp kolahbah.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”

AMIKHEAKAKHIUKKHI 5:12

Arünü düsheak achangnü khün thsü, “Wu, lakhit, lümlung, sühmüh, wüntre, müretah tüsho müngühmühi leangkhipü alaksahkhi Namfimihnunu athülün lah!”