DANIEL 2:28 - AMÜSÜH HÜM CL Bible (BSI)

²⁸ tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 2:28 Iomraidhean Croise

THRÜNTAN 40:8

Anenü api ki alo, “Ike chidonü milim mido, tüsho ju athanakrü she müla.” Tüsho Josepnü ane ki tha, “Athanakkhi ju Thrünpuh yo yung de? Nüke milimbo I ki thaang.”

THRÜNTAN 41:16

Jumonü Josepnü Pharao ki alo, “Ju I kheak yung; Pharaonü alunekhi Thrünpuhnü alojihbah.”

THRÜNTAN 41:25

Judüki Josepnü Pharao ki tha, “Pharao milimbo khülang tüsho rukhüh ah; apinü tümü rhimopü lanü Thrünpuhnü Pharao ki huhdo:

THRÜNTAN 49:1

Judüki Jakobnü atsührübo ji, tüsho tha, “Nüsa rukhüh mukhungang, junangde arübe nimungbo ching nüsa kheak tümü dünjipü lanü inü nüsa ki thaanü:

MUNGSHIKHÜN 115:3

Tüshe isa Thrünpuh a yinmi ching lah; apinü tümüpürü künlanü rhimochoh.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 30:24

Api lüm ching lümkhi mürhimoyiki tüsho mukukyiki Atungpuh buk mükede akhiukkhi mutuklo. Arübe nimungbo ching nüsanü ha anikhitbah.

JEREMIA 48:47

Judüalalashe inü hashu nimungbo ching Moab kuhi jihlobah, Atungpuhnü thachoh. Ha khiungde Moab kheak mahkhap lah.

EZEKIEL 28:3

Nü a Daniel kheaknü lümlung labe ah, junangde nü kheaknü tümü rama mülakhuk de lümchoh;

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

EZEKIEL 38:8

Nimung ahihkhüh dunglim nüsa mukhungbah; ashulim kambo ching nüsanü, ashangkhüh thsümünima lakhi, thirithsü kheamkhi lomi khülang, trükshih ahihdo chingnü mukhungde arüpung Israel müzüng azhihde ayübah; ha mihtsürübo trükshihbo chingnü bekhit tüsho kheakü arü alala akhümkhitkhi ching lah.

DANIEL 1:20

Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 10:14

tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

DANIEL 2:18

tüsho ha amüthakhukkhi aramyu dünkheaknü Daniel tüsho api müyamrübo Babilon lümlung larü mihtsürü lung müdükheakpü thsüde yinmi Thrünpuh kilimnü mihmuzho yimshihpü arü ki tha.

DANIEL 2:22

Apinü asük tüsho rama lakhibo akhiuka huhchoh; apinü amiting ching tümü lanü mükheahlah, tüsho api lung ayin lah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 2:45

Nünü müzüng chingnü akhiukkhi lung khülang ngü, tüshe mihtsürü khahnü yung–yinchi, müwayinchi, alo, shotoyinchi tüsho suna adütre kamde ayihnakkhi lung khülang. Ato Thrünpuhnü arübe ching tümü dünjibanü kiulongthsüpuh ki huhdo. Milim ju thiyuro tüsho athanakkhi ju akinpü thülünkhi lah.”

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 4:5

Inü milim khülang ngübah I müyinsahshih; yapkiu ching lümzülümdo tüsho michihbonü I müyinsahshih.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

WÜHKHE 24:14

Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.”

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

YUZÜNGTHALO 31:19

“Jumonü kheakü, nünü ha khün thrütang, tüsho Israel tsührübo ki thsangyuang; ha arü mün ching yukjang, junangde I thsungkheaknü Israelrü tsührü azhihde hanü thiyumütsan thsübah.

YUZÜNGTHALO 4:30

Nimung ho dunglim hadürü nüsa kheak arübah nüsa lümthsünüsho, küyimki nüsanü Atungpuh nüsa Thrünpuh kilim rholode api düsheak anibanü,

2 TIMOTHI 3:1

Akheam nimungbo ching thsümütsü kimbo labah de ha anikhitang.

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,