DANIEL 2:26 - AMÜSÜH HÜM CL Bible (BSI)

²⁶ Kiulongthsüpuhnü mung Belteshazzar de ajikhi Daniel ki tha, “ Inü angükhi milim tüsho thanakkhi nünü I kilim thakhukba de?”

DANIEL 2:26 Iomraidhean Croise

THRÜNTAN 41:15

Tüsho Pharaonü Josep ki tha, “Inü milim khülang mido, tüsho ju thanakkhukrü she müla. Tüsho nünü milim thanakkhuklah de inü sodo.”

DANIEL 1:7

Akubeatobuhnü arü kilim püpü mung asobo jijih: apinü Daniel ki Belteshazzar de ji, Hanania ki Shadrak, Mishael ki Meshak, tüsho Azaria ki Abednego de ji.

DANIEL 4:8

Akheam ching Daniel I miki azah–shepü I thrünpuh mung yande Belteshazzar de ajikhea, tüsho shepü kheak amüsüh Thrünpuh me lakhea–tüsho inü api ki milim tha,

DANIEL 5:12

tümütüsho, kiulongthsüpuhnü Belteshazzar de ajijihkhi Daniel kheak athukhi me, mükheahmudu, tüsho milim yihthünakpü anikhitkhi, aramyu thanakpü tüsho lümkhilümduh mulong-mülüpü lakheah. Kheakü Daniel jishang, tüsho apinü thanaka jihbah.”

DANIEL 5:16

Tüshe nünü thanakkhukchoh tüsho lümkhilümduh mulong-mülüchoh de inü sodo. Kheakü nünü athrütkhi khekhuksho tüsho thanakkhuksho, nü kheak mürümmüri khim phuyujihbah, nü hung mükamde suna wuhrünlak khülang jihbah, tüsho kiulongthsü ching asampü ching lashihbah.”

DANIEL 7:1

Babilon kiulongthsüpuh Belshazzar kam akhuhbe ching, Danielnü yapkiu ching yapde alachoki milim tüsho michihbo ngü. Jushu apinü milim ju thrüt:

1 SAMUEL 17:33

Saulnü David ki tha, “Nünü ha Filistiabuh bede keochihpü müyükhuk; tümüde nü azürü ah, tüsho api a athunu kim chingnü thirithsüde arükheah.”