DANIEL 2:22 - AMÜSÜH HÜM CL Bible (BSI)

²² Apinü asük tüsho rama lakhibo akhiuka huhchoh; apinü amiting ching tümü lanü mükheahlah, tüsho api lung ayin lah.

DANIEL 2:22 Iomraidhean Croise

THRÜNTAN 41:16

Jumonü Josepnü Pharao ki alo, “Ju I kheak yung; Pharaonü alunekhi Thrünpuhnü alojihbah.”

JOB HU H T ANYU 12:22

Apinü amiting chingnü asük kukrukbo lokhitchoh, tüsho sükde amitingkhi ju ayin kamshihchoh.

JOB HU H T ANYU 26:6

Ashekhi ju Thrünpuh miki bünkeang lah, tüsho athsümünim müyihdode lah.

MUNGSHIKHÜN 104:2

shepü khimmih nangde ayinnü phudola, shepünü zhindokhim nangde thüningbo thoshang,

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

T H S AN GYU T H S AN GR ARÜ 8:1

Shepü lümlung larü mihtsürü nangde la? Tüsho tümükhüh thanakkhi shepünü mükheahla? Lümlungnü khürü miro yinshihchoh, tüsho miro mitingkhi müthrishihchoh.

ISAIA 41:22

Arünü arübo bede arüshang tüsho tümü dünjibanü isa ki thaang. Ahokhi ching dünjikhi isa ki thaang, arü tümü lakhea, junangde isanü arü mükheahbah, tüsho arünü arhimokhi isanü amükheahbah; yungsho arüpü lakhi isa ki khipkhitbah.

ISAIA 41:26

Shepünü atankih chingnü ha müchita lakhea, junangde isanü mükheah-a labah, tüsho akhuhlimnü a, junangde isanü athabah, “Api alungki ah?” Ha khipkhitpü she mülakheah, azhiyukpü she mülakheah, nü yubo sorü she mülakheah.

ISAIA 42:9

Kheahang, adüso müchitkhibo dünjido tüsho inü aso khipkhitchoh; arübo mumukhuhkhityi khiungde inü arü dünkheak nüsa ki thachoh.

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

DANIEL 2:11

Kiulongthsüpuhnü akeokhikhi ju khide chaklah, tüsho mihtsürü lung mülakhi thrünpuhbonü khüh yungsho shenü she ha kiulongthsüpuh ki müthakhitkhuk.”

DANIEL 2:19

Judüki amüthakhukkhi aramyu ju azhing michih ching Daniel ki akhiuka huh tüsho Danielnü yinmi Thrünpuh shijih.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 5:14

Thrünpuh me tüsho mükheahmudu anikhitkhi tüsho lümlung nü kheak lah de inü sodo.

MATHI 13:13

Jumonü inü arü ki shihdanglimyubo chingnü asukchoh, tümütüsho kheahkheah she arünü müngü, tüsho anini she arünü muso, yungsho arünü manikhit.

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

EFISIA 3:5

ju kheakü api amüsüh thsangyuthsangrarübo tüsho wukihrübo ki Menü ahuhkhi nangdüa püpürü lünbo mihtsürü tsührübo ki mümükheahshihde alakheah;

YUZÜNGTHALO 29:28

Tüsho Atungpuhnü abukakhiukde arü rukkhita arü lomi chingnü püpürü lomi ching yüshih, tüsho khihni khiungde lah.’

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 JOHAN 1:5

Thrünpuh ju ayin tüsho api kheak amiting tümü mülade api kilimnü isanü asokhi thiyusheak ha lah tüsho isanü nüsa ki zhiyukchoh.