DANIEL 2:21 - AMÜSÜH HÜM CL Bible (BSI)

²¹ Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 2:21 Iomraidhean Croise

1 KIULONG THSÜRÜ 10:24

Thrünpuhnü api lümkhi ching yukjihkhi lümlung anipü lomi athrünkhinü Solomon kilim arüpü kün.

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

1 KIULONG THSÜRÜ 4:29

Thrünpuhnü Solomon kilim lümlung khide ato, akheahkhitpü, tüsho keto yean loyi mükhebinkhi nangde anikhitkhi ato jih,

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

1 KIUTHSÜYUKHEAN 29:30

ju lung, api kiulongthsü khekhi, api sühmüh, tüsho api le Israel tüsho alomi kiulongthsübo kheak dünjikhi alala.

ESTER 1:13

Kheakü, kiulongthsürü yakzan ching lakhi nangde apinü küruk thsüsho atsübanü de lümlung larü jibah keokhi.

JOB HU H T ANYU 12:18

Apinü kiulongthsürübo binkiu chingnü akishihchoh tüsho ramyukrü kamshihchoh;

ABEKHIT 31:3

tüsho inü api lümlung ching, anikhitkhi ching, mükheahmudu ching, tüsho khah-rhimo alala ching Thrünpuh menü mishih,

ABEKHIT 31:6

Kheaküshe inü Dan trük Ahisama tsührü Oholiab api rungpü moyukjih; tüsho thsüsonungnürü alala kilim inü nü ki thiyukhüm jihkhi alala rhimoshihpü rükrirükko jih:

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 10:1

Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.

DANIEL 11:6

Kam anükhüh dunglim arünü arihako khülang thsübah, tüsho düjinglim kiulongthsürü tsührübenü dukulim kiulongthsürü ki thiyuchihchimpü arübah. Tüshe anihbe wu mülade alabah tüsho api arihakokhi tsüpde müla. Judüki anihbe tankihrü aniubuh tüsho atsührü laksahbah.

DANIEL 2:20

Danielnü tha: “ Lün chingnü lün Thrünpuh mung müngühmühi thsang, tümüde lümlung tüsho wu api yo ah.

DANIEL 2:23

O I jipü Thrünpuh, nü kilim inü makshe jihchoh tüsho shijihchoh, tümüde nünü I kilim lümlung tüsho wu jihdo tüsho isanü nü ki tümü keokhikheanü I ki akhiuka huhdo, tümüde kiulongthsüpuhnü tümü thiyukhüm jihkheanü nünü isa ki akhiuka huhdo.”

DANIEL 2:9

nüsanü I ki milim müthasho, nüsa thsungkheaknü lümkhi khülang lah. Nüsanü atsü dünjibah de mulonglamde I ki akeangyu thapü tüsho bephülapyu thapü mulongkhitdo. Jumonü I ki milim thaang tüsho nüsanü thanakkhukbah de inü mükheahbah.”

DANIEL 4:14

Apinü achangnü zhi tüsho tha, ‘ Sangdung ju kiushakang tüsho akhahbo tsankhiang, ayübo mülakkhiang tüsho aso hiumüzütang; ju khüpnü shiwühbo tüsho akhahbo kheaknü wuhnubo tsoshang.

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

DANIEL 7:25

Apinü Khide Achangbuh azhihkhi yubo asukbah. Khide Achangbuh yo amüsührübo thsümüchibah tüsho kim tüsho akin yakzanbo müthripü mürangbah; tüsho api wu ching arübo kam mahsamkheak thripkhüh labah.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.