DANIEL 2:12 - AMÜSÜH HÜM CL Bible (BSI)

¹² Ha dünkheaknü kiulongthsüpuhnü khide bukakhiuk tüsho Babilon mihtsürü lümlung larü alala laksahpü thiyukhüm jih.

DANIEL 2:12 Iomraidhean Croise

JOB HU H T ANYU 5:2

Tsükjide mulong zhipzhipkhinü makharü laksahchoh, tüsho mükthsükhinü lümthülihrü laksahchoh.

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

MÜCHITMUDU 16:14

Kiulongthsüpuh bukakhiukkhi ju ashekhi yunithsürü ah, tüshe lümlung larü mihtsürünü ju keamloshihchoh.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

MÜCHITMUDU 20:2

Kiulongthsüpuh bukmükekhi ju kekhüzü arungkhi lah; shepünü küdah thsüde bukakhiukchonü nihbuh rhangdung azhihde neak yihbeakchoh.

MÜCHITMUDU 29:22

Bukakhiukrünü rukachih akhiukshihchoh, tüsho bukmükerünü hihde athsümünim akhiukshihchoh.

DANIEL 2:24

Jumonü Danielnü Babilon lümlung larü mihtsürü dükheakshihpü kiulongthsüpuhnü mokhitbuh Ariok kilim yü, tüsho api ki tha, “Babilon lümlung larü mihtsürü düdükheakshih; kiulongthsüpuh miki I bede yüzahang, tüsho inü kiulongthsüpuh ki thanaka huhanü.”

DANIEL 2:5

Kiulongthsüpuhnü Kaldearü ki alo, “Ha inü apungkhikhi yuzüng ah: mürangkhüh nüsanü I ki milim mikhi tüsho thanakkhi muhuhsho, nüsa jingkhahbo adütre kamde akhapthünakbah tüsho nüsa yambo mobün kambah.

DANIEL 3:13

Nebukednezarnü bukakhiukde Shadrak, Meshak tüsho Abednego bedarüpü thiyukhüm jih. Jumonü arü mihtsürü mahsam ju kiulongthsüpuh miki bedarü,

DANIEL 3:19

Judüki Nebukednezarnü Shadrak, Meshak tüsho Abednego kheak mulong zhipzhip, tüsho arü ki api yakli müthriabah. Apinü motru ju püpüki kheaknü thüne ki alü takshihpü thiyukhüm jih,

DANIEL 5:19

Tüsho apinü anihbuh kilim ato jihkhi hode, mihtsürü alala, trükshihbo, tüsho thiyuthabonü api miki ajan tüsho tre. Apinü sherü laksahnelanü laksah, sherü arhang lashihnelanü lashih, sherü shuhkihpü lümlanü shuhkih, tüsho sherü mükhemükimnelanü mükhemükim thsü.

MATHI 2:16

Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.