DANIEL 12:3 - AMÜSÜH HÜM CL Bible (BSI)

³ Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

DANIEL 12:3 Iomraidhean Croise

ABEKHIT 34:35

Tüsho Israelrünü Mosa kheahchoki api jak zhingzhingde la; tüsho Mosanü api ki asukachihpü müyüzahyi khiungde kudukiube ajak kheak yihkihlo.

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

MÜCHITMUDU 3:35

Lümlung larü a müretah yamrüplurüp lubah, tüshe makharübo a mungchih ngükhi labah.

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

T H S AN GYU T H S AN GR ARÜ 12:9

Lümlung kheak khiode, Thsangyuthsangrarünü mihtsürü ki mükheahmudu, lümakheahkhi tüsho ayimkhitkhi tüsho müchityu ahihdo tsanglungkhi she thsangyu.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

JEREMIA 23:22

Tüshe arünü I athsunganah ching zhipkhülaa, arünü I mihtsürübo ki I yu zhiyuka labah, tüsho arü amütsü limro tüsho arü rhimo amütsü chingnü rholoa labah.

DANIEL 11:33

Mihtsürü bolung lümlung larünü ahihdo kilim anikhitkhi jihbah; judüalalashe nimung anükhüh arübo nukshang tüsho motrunü tüsho yande aramkhinü akeambah.

DANIEL 11:35

Lümlung larü khürü akeambah, junangde mihtsürübo akheam kim khiungde changkhitbah, tsangkhitbah tüsho areak mükihde alabah, tümüde akhukhitkhi kim ching ju arübah.

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

MATHI 13:43

Judüki thiyurolungkirü arü Abuh kiulongthsü ching ani nangde atahbah. Nüsa nükhün kihlasho aniang.

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 24:45

“Judüasho nihbuh putungrünü arü kilim kim dükdü ching tsühyungbe jihshihpü api yamlarübo kurungkheak zojihkhi akin-lakhi tüsho lümlung lakhi yamlarü ju she a?

JOHAN 4:36

Shepünü yimluchonü mihkhah dün ngüchoh tüsho akheam müla rhangdung thsungkheak hibo hanmukhungchoh, junangde mükheanbuh le yimlubuh ane chido rukhüh asühachihbah.

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

1 KORINT 3:10

Thrünpuh amüthsüm I kilim jihkhi ayannü, athsüsorü khülang nangde inü khimtan thsü, tüsho püpürü mihtsürünü ju kheak thsükihchoh. Mihtsürü abannü künangde apinü ju kheak thsükihchonü kümkangang.

EFISIA 4:11

Tüsho api thsambahbo ju khürü amüsühthsangyurü, khürü wukihrü, khürü thsangyuthsangrarü, khürü namfimihnu neakrü tüsho thsangyurü,

IBRI 5:12

Kheakü hadükia nüsa ju thsangyurü thsübe laa lalashe, kheaküshe Thrünpuh yu thiyuro adungtobe nüsa ki thsangyupü thsüde khürü yihnüpü lah. Tsühyungbe amüküp yungde niuhke nüsa yihnüpü lah;

2 PETER 3:15

Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

MAHKHAPRÜ 5:31

Jumonü nü riri alala dükheakshang, O Atungpuh ! Tüshe nü muzhorü a ani müzhakde akhiukchoki nangde lashang. Judüki lomi ju kam yirü thsungkheak mungtsü la.