DANIEL 12:10 - AMÜSÜH HÜM CL Bible (BSI)

¹⁰ Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

DANIEL 12:10 Iomraidhean Croise

MUNGSHIKHÜN 107:43

Sherübo lümlung lanü harübo anibah. Tüsho arünü Atungpuh mihmuzho anikhitbah.

MUNGSHIKHÜN 51:7

Monamnü I müsühjang, tüsho I müsühde akambah; I müsühjang, tüsho I phürüm kheaknü amüyebe labah.

MÜCHITMUDU 1:5

lümlung larü mihtsürünü anibah tüsho anikhitkhi alü thsübah, tüsho anikhitkhi mihtsürünü lümlung thiyankhi ngübah–

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

EZEKIEL 47:11

Tüshe alomukmukbo tüsho akhimniuhniuhbo aso kamde mütsangkhit; jurübo thimi thsungkheak aninga labah.

DANIEL 11:33

Mihtsürü bolung lümlung larünü ahihdo kilim anikhitkhi jihbah; judüalalashe nimung anükhüh arübo nukshang tüsho motrunü tüsho yande aramkhinü akeambah.

DANIEL 11:35

Lümlung larü khürü akeambah, junangde mihtsürübo akheam kim khiungde changkhitbah, tsangkhitbah tüsho areak mükihde alabah, tümüde akhukhitkhi kim ching ju arübah.

DANIEL 12:3

Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

MALAKI 3:3

api ju atsangkhitbe tüsho shotoyinchi tsangkhitbe nangde abinbah tüsho apinü suna le shotoyinchi tsangkhitkhi nangde Levi tsühsoniusobo tsangkhitbah, junangde arünü thiyuro-lungki ching Atungpuh kilim kingaünbo hande arübah.

MARK 4:11

Tüsho apinü arü ki alo, “Nüsa kilim a Thrünpuh kiulongthsü aramyu mükheahpü jih-a lah; tüshe aleangkheak larü kilim a alala shihdanglimyubo chingnü ah,

LUKNÜ ATHRÜTKHI THIYUSHEAK-ATSÜ HUHTANYU 24:25

Judüki apinü ane ki tha, “O makharübo, tüsho wukihrü alalanü athakhi kinpü müniokheamkhi mulong!

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

JOHAN 8:47

Shepü Thrünpuh yoanü Thrünpuh yu anichoh; jumonü nüsanü mani, tümütüsho nüsa a Thrünpuh yo yung.”

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 12:10

Tümüde arünü kim akhihkhüh thsungkheak arü künkhinü isa danchoh, tüshe isanü api amüsüh ching shihcham lupü thsüde apinü atsü thsungkheak isa danchoh.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 16:11

tüsho arü thsünükhi tüsho mübo dünkheaknü yinmi Thrünpuh athru, tüsho arü rhimobo chingnü mümüthrilo.

AMIKHEAKAKHIUKKHI 19:14

Tüsho yinmi bonungrübo khimthünak atsü, amüye tüsho amüthsün yihbahle khorabo kheak binbah api dunglim yan.

AMIKHEAKAKHIUKKHI 19:8

alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.

AMIKHEAKAKHIUKKHI 22:11

Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.

1 SAMUEL 24:13

Awün müchitmudukhinü thachoh, ‘ Mihbukmuyuk rhimorü chingnü mihbukmuyuk rhimo akhiukchoh’; tüshe I khahnü a nü mazhih.