DANIEL 12:1 - AMÜSÜH HÜM CL Bible (BSI)

¹ “Ju kim ching nü mihtsürü kümrü, yunirü ato Maikel asürübah. Trükshihbo lakhi kim ching küyimkishe mülakhi thsünü kim khülang labah. Tüshe ju kim ching nü mihtsürübo Thrünpuh hüm ching thrüta larü khümkhitbah.

DANIEL 12:1 Iomraidhean Croise

MUNGSHIKHÜN 56:8

Nünü I küpkhuk mükheahlah; I chikebo nü keluh ching yukchoh; jurübo nü hüm ching müla de?

MUNGSHIKHÜN 69:28

Arübo rhangdung hüm chingnü nankhita bahshang tüsho thiyuro-lungkirü lung düthrütshih.

ISAIA 4:3

Sherübo Zion ching tukloa la tüsho Jirusalem ching rhangdung thsungkheak thrütyukbah lanü amüsüh de ajibah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

EZEKIEL 13:9

Arükchih michihbo ngürü tüsho akeangyu müchitrü wukihrübo kheak I khahnü azhihbah. Arübo I mihtsürü kiuthsü-binkiu lung mübe yungsho Israel yamkhün thrütlangkhi ching mübe, yungsho Israel lomi ching müyüzah. Judüki I Wuto Atungpuh de nüsanü mükheahbah.

EZEKIEL 34:24

Tüsho I Atungpuh ju arü Thrünpuh thsübah, tüsho I yamlarü David ju arü bolung yakzanshuhrü thsübah; I, Atungpuhnü asukdo.

EZEKIEL 5:9

Athraneanbe nü sangthsü alala dünkheaknü inü küyimkishe mürhimokhi nü kheak rhimobah.

DANIEL 10:13

Tüshe Persia kiulongthsü yakzanshuhrünü I nimung mukukheak khülang azhih. Jumonü Maikel, ato yakzanshuhrü bolung khülang I rungpü arü, tümütüsho I Persia ching I langzü lakheah,

DANIEL 10:21

tüshe akhuhde Thiyuro Hüm ching tümü thrüta lanü inü nü ki thabah: Maikel kheak hode I rungrü she müla.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

DANIEL 9:12

Nünü isa le isa yakzanshuhrü azhihde asukkhi yubo thsümütsü ato isa kheak dünjishih. Thüning athrünkhi bukkhüp Jirusalem kheak rhimokhi nangde küyimkishe mürhimoakheahyi.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

MALAKI 3:16

Judüki Atungpuh wüntrerünü khülangnü khülang ki asukachih. Atungpuhnü ju ani tüsho so tüsho Atungpuh wüntrerü tüsho api mung ching lümrü lümkhitpü hüm api miki thrüta lakheah.

MATHI 24:21

Tümüde judüki alomiküp tankihbah ha kim khiungde mülakhi yungsho küyimkishe mülalopü lakhi thsümütsüato labah.

MARK 13:19

Tümüde jurü nimungbo ching Thrünpuhnü athrünkhi atankih chingnü ha kim khiungde, yungsho küyimkishe mülabe thsümütsü labah.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

ROMRÜ KILIM PAULNÜ ATHRÜTKHI KIHÜM HUHTANYU 11:15

Arü bahyukkhi ju alomi tsüarihkhi a sho, arü leangkhikhi ju a ashe chingnü rhangdung laba shi?

ROMRÜ KILIM PAULNÜ ATHRÜTKHI KIHÜM HUHTANYU 11:26

Junangde Israel alala khümkhitbah. Amüsühyunü thachoh, “Zion chingnü abekhitrü arübah, apinü Jakob chingnü amükinrü alala yankhitbah”;

EFISIA 1:21

thiyuzüng, thiyukhümsühmüh, yakzan shuhkhi, tüsho ha lün ching lang yungde arüpü lakhi ching she mung jia lakhi alala kumung changlah;

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

JUDNÜ ATHRÜTKHI KIHÜM HUHTANYU 1:9

Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 12:7

Kheakü yinmi ching Maikel tüsho api yunirübonü dragon azhihde thirithsü akhiuk; tüsho dragon le api yunirübonü keochih,

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 3:5

Shepünü akuk ngüchonü arü nangde amüye yihbah. Inü küyimkishe rhangdung hüm chingnü api mung nankhita mübah, tüshe I Buh tüsho api yunirübo miki inü api mung khipkhitbah.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.