DANIEL 11:8 - AMÜSÜH HÜM CL Bible (BSI)

⁸ Apinü arü thrünpuh mejakbo tüsho thrünpuhbo kilim müsühkhitkhi suna tüsho shotoyinchi kukrukbo Ijip lim hanlode ayübah. Tüsho kam anükhüh kheak apinü dukulim kiulongthsüpuh yanpü chingnü atuklobah.

DANIEL 11:8 Iomraidhean Croise

THRÜNTAN 31:30

Kheakü atsütsü nü tsodo, tümütüsho nünü nü buh yamkhün tode lümrhihlah, tüshe tümüde nünü I thrünpuhbo ahühkhea?”

2 SAMUEL 5:21

Ju ching Filistiarünü arü sangthsübo bah, tüsho David le amihtsürübonü lubah tso.

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ISAIA 2:16

Tarshish sangkung alala azhihde, tüsho akhamkhi khahrhimo alala azhihde.

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

JEREMIA 46:25

Wuto Atungpuh , Israel Thrünpuhnü tha: Kheahang, inü Thebes thrünpuh Amon, Pharao, tüsho Ijip le anihbe thrünpuhbo tüsho kiulongthsürübo, Pharao tüsho api kheak kinrü kheak thsümüchi handarübah.

DANIEL 10:3

Inü tsühyungpü atsü, shih mütsüh yungsho yukhu muyung, tüsho amu-khip mahsam khiungde tümü mümujumüra.

DANIEL 11:9

Judüki dukulim kiulongthsüpuhnü düjinglim kiulongthsüpuh kiulongthsü ching arübah tüshe anihbuh lomi lim alode ayübah.

HOSEA 13:15

Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah.

HOSEA 8:6

Tümüde ha Israel chingnü, rhimorü khülangnü thsü; ha Thrünpuh yung. Samariarü moshi nunu ju adütre kamde ayihthünakbah.

WÜHKHE 33:4

Judüki Ijiprübo arü tsührü adüjirü Atungpuhnü alaksahkhi kiuyuka bahde alakheah; kheaküshe arü thrünpuhbo kheak Atungpuhnü mahkhapkhi rhimo handarü.

YUZÜNGTHALO 12:3

Tüsho nüsanü arü kingaün sadam thsümünimjang, amüsüh dungjingbo kingkheamjang tüsho sangthsükhi thrünpuhbo monü taka bahjang; sangthsükhi thrünpuhbo nüsanü kiukheama bahjang tüsho ju dangpung chingnü arü mung dükheakshang.

MAHKHAPRÜ 18:24

Apinü alo, “Nüsanü inü athsükhi thrünpuhbo le I yo amükeamrü lude tsoa lah. I tümü lale de nüsanü I ki keocho, ‘Nü tümü thsüa la?’”