DANIEL 11:40 - AMÜSÜH HÜM CL Bible (BSI)

⁴⁰ “ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

DANIEL 11:40 Iomraidhean Croise

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 5:28

arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

ISAIA 66:15

Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

EZEKIEL 38:4

inü nü bephülapbah tüsho nü mün ching khoyangbo yukjihbah, tüsho inü nü bonungrü alala, khorabo tüsho khoraberübo, arü alala thirithsü zülu khiukchimde yihshihbah boto ato arü alala tsung tüsho tsungnini, nukshangbo shuhbah mükamde nü bebah.

EZEKIEL 38:9

Nü mikhuh ching, tsüngpungtsüngpung khülang nangde arübah; nü ju alomi shodokhi amo khülang nangde, nü tüsho nü yo thirithsürü alala, tüsho nü lung mihtsürü ahihkhüh labah.

DANIEL 11:10

“Api tsührübonü thirithsüpü thsakhambah tüsho bonungrü boto ato bemukhungbah, keking nangde arübah tüsho api chipi khiungde thirithsübah.

DANIEL 11:11

Judüki düjinglim kiulongthsüpuhnü bukakhiukde akhiukbah tüsho dukulim kiulongthsüpuh ki keochihbah, tüsho apinü boto ato bemukhungbah, tüshe ju api khah ching jihbah.

DANIEL 11:13

Tümüde dukulim kiulongthsüpuhnü atan kheaknü kheaküshe ahihbe boto bemukhungbah, tüsho kam anükhüh dunglim apinü bonungrü ato tüsho kukruk suhdahde lubah arübah.

DANIEL 11:22

Api müngüh bonungrübo tüsho Thrünpuh yo Achangbe Amükeambuh she shahde phüta bahbah tüsho alaksahbah.

DANIEL 11:25

Apinü mulong tode Ijip kiulongthsüpuh yanpü bonungrü ahihdo bemukhungbah, tüsho anihbuhnü mihhihkhi tüsho wulakhi bonungrü bebah keochihlobah. Tüshe Ijip kiulongthsüpuh ju arükyukbah tüsho akuk müngü.

DANIEL 11:35

Lümlung larü khürü akeambah, junangde mihtsürübo akheam kim khiungde changkhitbah, tsangkhitbah tüsho areak mükihde alabah, tümüde akhukhitkhi kim ching ju arübah.

DANIEL 11:39

Chipi amüküpbo apinü khiungkerü thrünpuh arung hode ayanbah tüsho api mükheahrü tode wüntre jihbah. Apinü arübo mihtsürü ahihdo kurungkheak yakzanshuhrü kamshihbah tüsho thsambah khülang thsüde alo jihbah.

DANIEL 11:7

“Anihbe yamkhün chingnü alibe müthripü khülang asürübah. Apinü dukulim kiulongthsüpuh bonungrü yanbah tüsho api chipi ching yüzahbah; apinü arü bede keochihbah tüsho akukbah.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

DANIEL 8:17

Jumonü I zhippung phünide api arü; tüsho küyimki api arükhea, I trede kam tüsho alo ching yap. Tüshe apinü I ki tha, “ O mihtsürü tsührü, michih ha akheam kim thsungkheak ah de anikhitang.”

HABAKKUK 3:14

Nünü isa hiumüzütshihpü chinthrüm nangde, jikde alakhi zhochihrü muyupü nangde arükhi, api thirithsürübo limthobuh anihbuh hühzonü chinkhitshih.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.

AMIKHEAKAKHIUKKHI 16:12

Athurukpü yunirünü api phurusük Euphra ayung kheak dunga bah, tüsho aniakhiuklim kiulongthsürübo limro thsakhampü ke ju ngahabah.

AMIKHEAKAKHIUKKHI 9:16

Inü arü khekhi khora bonungrübo ju chiwung chi mahne lakheah.