DANIEL 11:4 - AMÜSÜH HÜM CL Bible (BSI)

⁴ Tüshe api wu achang chingnü api kiulongthsü thsümünimbah tüsho shihcham phüyi thsüde achamnakbah. Api kheaknü arükhi kiulongthsürübonü yungde api müthri yakzan shuhbah, tüshe api lakhi nangde arü wu mülade alabah.

DANIEL 11:4 Iomraidhean Croise

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

T H S AN GYU T H S AN GR ARÜ 4:8

bümlangzü zhikrangkhündo, tsührübo tüsho keoniorübo mülade khürü lah; tütüshe api rhimo alala ching arün müla, tüsho api lakhit kheak api mük mümi. Apinü küyimkishe mükeokhi, “ I ha she thsungkheak rhimocho, tüsho I a asüh-a mulu le?” Ha she akeangkeang tüsho masühbe rhimo lah.

JEREMIA 12:15

Tüsho inü arü rukkhita bahshu kheaküshe inü arü ki mihmuzho labah, tüsho arü mihbüm abande arü lo tüsho arü yamrüplurüp lim belodarübah.

JEREMIA 12:17

Tüshe trükshih khürünü manisho, inü shahde arukkhitbah, tüsho athsümünimbah, Atungpuhnü thachoh.

JEREMIA 18:7

Kim khülang ching trükshih yungsho kiulongthsü khülang dünkheak zükshaka bahpü tüsho kingkheampü tüsho thsümünimpü inü athapü lah,

JEREMIA 31:40

Ashemi tüsho awah jindükhün alala, tüsho Kidron ayung khiungde thulubo alala, aniakhiuklim thrip Khora Chipiripit khiungde, Atungpuh kilim amüsüh labah. Ha küyimkishe murukkhit yungsho mükeamshih.

JEREMIA 45:4

Nünü api ki ha thaang, “Atungpuhnü ha thachoh: Lomi alala ching inü tümü thsükheanü thokheambah, tüsho inü akhimkhi rukkhitbah.

JEREMIA 49:36

tüsho inü thüning thrip phüyi chingnü Elam kheak apung handarübah; tüsho inü harü apungbo ching arübo müzütshihbah, tüsho Elam chingnü ramtso müyükhi trükshih khülang she mülade müthsü.

EZEKIEL 37:9

Judüki apinü I ki tha, “Sheak ki müchitang, mihtsürü tsührü, müchitang tüsho sheak ki thaang: Atungpuh Thrünpuhnü ha thachoh: Apungbo thrip phüyi chingnü arang, O sheak, tüsho harü alaksahkhibo kheak sheak thsüyukang, junangde arübo rhangdung labah.”

DANIEL 7:2

I, Danielnü, azhing ching thüning lim apung phüyinü keto ato rhumüneande I michih ching ngü,

DANIEL 7:6

Jushu inü kheahshe, shiwüh ju adüthsün kheak wuhnu ghidükeang phüyi kih tüsho aku phüyi lakheah; tüsho yakzan shuhpü, ju kilim jih-a lakheah.

DANIEL 7:8

Inü ajuhbo kheahde lashe, arü bolung ajuh püpü khülang anikhüh akhiuk; ju yüzahpü thsüde atan lakhi ajuh mahsam ayingnü thokhita bah. Ha juh ching ju mihtsürü mükjibo nangde mükjibo lakheah, tüsho lülüshishiyu thade mün khülang lakheah.

DANIEL 8:22

Azhakkhi shihjuh, küpü müthri püpü phüyi akhiukkhea, api trükshih chingnü kiulongthsü phüyi asürübah, tüshe api wu nangde müla.

DANIEL 8:8

Jushu mihnu pung ju khide tode kam; tüshe api wu changkhi ching, ajuh atobe zhakabah, tüsho ju müthri ajuh phüyi akhiukbah thrip phüyi ching abina lakheah.

ZEKARIA 2:6

Wusuang, Wusuang! Dukulim lomi chingnü tsoang, Atungpuhnü thachoh; tümüde thüning lim pung phüyi nangde inü khiungke lim nüsa hiumüzütshih, Atungpuhnü thachoh.

ZEKARIA 6:5

Yunirünü I ki alo, “Harü ha lomi alala TU N GPU H mikinü arükhi yinmi mebo phüyi ah.

MATHI 12:25

Jisunü arü lümkhi mükheah tüsho arü ki tha, “Nihbuh azhihde achamnakkhi kiulongthsü aban thsümünimbah, tüsho nihbuh azhihde achamnakkhi kiuto yungsho yamkhün aban müzhipkhuk.

LUKNÜ ATHRÜTKHI THIYUSHEAK-ATSÜ HUHTANYU 12:20

Tüshe Thrünpuhnü api ki tha, ‘Nü makharü! Khihre tsütsü nü me tsoabahbah; dale tüsho nü thsungkheak tsanglunga zokhi shenü aluba?’

AMIKHEAKAKHIUKKHI 7:1

Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü.