DANIEL 11:36 - AMÜSÜH HÜM CL Bible (BSI)

³⁶ “ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 11:36 Iomraidhean Croise

MUNGSHIKHÜN 136:2

O, thrünpuhbo kurungkheak Thrünpuh kilim makshe jihang! Tümüde api amüthsüm lünnü rünkhiungde lah.

MUNGSHIKHÜN 33:10

Atungpuhnü trükshih lümkhi zhomashihchoh; apinü arü lümkhi thsükhibo rhimopü zhipdochoh.

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

ISAIA 10:23

Tümüde Wuto Atungpuhnü yakzan thsükhi nangde alomi alala ching akheam tsütsü kamshihbah.

ISAIA 10:25

Tümüde anükhüh kheaknü nüsa azhihde I mulong zhipzhipkhi arün thsübah tüsho arü thsümünimpü I bukakhiukbah.

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 14:13

Nünü nü mulong ching tha, Inü yinmi ching yükihbah; inü I kiulongthsü-binkiu ju Thrünpuh chiningbo kumung shuhkihbah; inü mukhungmüdan wung Zaphon mujuk kheak binbah;

ISAIA 14:14

inü amo kumung kheak yükihbah, inü I küdah thsüde Khide Achang kamshihbah.

ISAIA 26:20

Arang, I mihtsürü, nü yo khiungshak ching yüzahang, tüsho nü dunglim ripitbo rihang; bukakhiukkhi muhoyi khiungde anükhühkheak nü jikang.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

ISAIA 57:9

Nünü müdangke hanbah Molek kilim yü, tüsho nü yo rhümthüneabebo hihde muju; nünü nü yunithsürübo limshude yüshih tüsho Ashe-lomi ching she yüzahshih.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

DANIEL 11:16

Tüshe shepünü api azhihde arüchonü anihbuh lümkhi nangde athsübah, tüsho shenü api müngüh müzhip, tüsho api müretah lomi ching zhipbah, tüsho ju alala api wu ching labah.

DANIEL 11:3

Jushu wuto kiulongthsürü khülang asürübah, wu lade yakzan shuhbah tüsho api lümkhi yande arhimobah.

DANIEL 11:37

Apinü api jipürü thrünpuh yungsho aliberübonü amuzhokhi ki manijih; apinü püpü thrünpuh ki akin müjih, tümüde apinü alala kheaknü anihbuh atobe de alümbah.

DANIEL 12:7

Ayung kumung zhipkhi, khimthünak phuyubuh mihtsürünü akhah tsülim tüsho huzulim thüning lim shuhkih. Tüsho lün labuh khülangnü, ju kam mahsam kheak thripkhüh labah de thiyuchihchimde athakhi inü so. Küyimki Thrünpuh mihtsürü thsümüchikhi kheambanü, harü alala dünjia labah.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

DANIEL 5:19

Tüsho apinü anihbuh kilim ato jihkhi hode, mihtsürü alala, trükshihbo, tüsho thiyuthabonü api miki ajan tüsho tre. Apinü sherü laksahnelanü laksah, sherü arhang lashihnelanü lashih, sherü shuhkihpü lümlanü shuhkih, tüsho sherü mükhemükimnelanü mükhemükim thsü.

DANIEL 5:20

Tüshe küyimki api mulong müküpde tüsho kükheangde kamkhea, api kiulongthsü-binkiu kheaknü akishih tüsho api müretahkhi luabahjih.

DANIEL 7:8

Inü ajuhbo kheahde lashe, arü bolung ajuh püpü khülang anikhüh akhiuk; ju yüzahpü thsüde atan lakhi ajuh mahsam ayingnü thokhita bah. Ha juh ching ju mihtsürü mükjibo nangde mükjibo lakheah, tüsho lülüshishiyu thade mün khülang lakheah.

DANIEL 8:19

Apinü tha, “Aniang, tüsho bukakhiukkhi kim dunglim tümü dünjibanü inü nü ki thabah; tümüde ha akheam kim akhukhitkhi dünkheak ah.

DANIEL 8:4

Namfimihnupung junü aniyüzahlim tüsho dukulim tüsho düjinglim khude inü ngü. Ju thsolopü tümü shiwüh she mülakheah, tüsho shenü she ju wu chingnü mütsokhitkhuk; apinü alümkhi nangde apinü rhimo tüsho müküpde kam.

ZEKARIA 11:16

Tümüde kheakü lomi ching inü, adükheakkhi müküm, yungsho rümde atsahkhi müyim, yungsho yurikhi müthsüngu, yungsho ashih kihkhi müyimkip, tüshe ashih kihkhi shih tsühde, arü biuo she achakrüpshihpü lakhi namfimihnu neakrü khülang asürüshihchoh.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

2 TESALONIKA 2:3

Shenü she nüsa tümü ching she dümülapyukshih, tümüde azhihkhi makhiukyikia tüsho athsümünimpü akhua lakhi aneak mihtsürü makhiukyikia ju nimung marü.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

JIHUSUA 22:22

“Atungpuh ju thrünpuhbo kurungkheak Thrünpuh! Atungpuh ju thrünpuhbo kurungkheak Thrünpuh! Apinü mükheahlah; tüsho Israelrünü she mükheahshihnelah! Ha Atungpuh azhihde api kheak akin mülaa lasho, khihni isa dülashih!

AMIKHEAKAKHIUKKHI 10:7

tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.

AMIKHEAKAKHIUKKHI 12:14

Tüshe alibe kilim müleang topü ghidükeang mahne jihbah phuruto kinü phinde, anihbe kam mahsam kheak thripkhüh kümpü lakhi dangpung sunglo ching yü.

AMIKHEAKAKHIUKKHI 13:1

Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü.

AMIKHEAKAKHIUKKHI 17:17

Tümüde Thrünpuh yubo müdünjiyi khiungde arü wu shiwüh kilim jih-a yakzan shuhshihpü mulongpü thsüde akuk ngüshihpü Thrünpuhnü arü mulongbo ching yukjih.

AMIKHEAKAKHIUKKHI 17:3

Apinü I Me chingnü sunglo ching bede yü, tüsho aliberü khülang, athruaji mungbonü mide alakhi aneakrüm shiwüh kheak binde inü ngü, tüsho ju aku thüne tüsho ajuh thürü lakheah.