DANIEL 11:33 - AMÜSÜH HÜM CL Bible (BSI)

³³ Mihtsürü bolung lümlung larünü ahihdo kilim anikhitkhi jihbah; judüalalashe nimung anükhüh arübo nukshang tüsho motrunü tüsho yande aramkhinü akeambah.

DANIEL 11:33 Iomraidhean Croise

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MATHI 10:21

Kheakü keoniorünü keoniorü tüsho buhrünü tsührü ashepü ching jihbah; tsührübonü berübuhrü azhihde wusubah tüsho arü asheshihbah.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MATHI 20:23

Apinü arü ki tha, “Nüsanü I pung chingnü ayungbah, tüshe I khah tsülim yungsho huzulim binpü a inü amülübe yung, tüshe harü ju I Buhnü athsakhamjihrü thsungkheak lah.”

MATHI 24:9

“Judüki arünü nüsa thsümüchipü jihbah tüsho alaksahbah, tüsho I mung dünkheaknü trükshih alalanü nüsa thraneanbah.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

YUNIRÜBO RHIMO 11:26

tüsho küyimki apinü anihbuh ngükhea, apinü Antiok lim bebah arü. Arünü kam khülang amuyung borü shoru, tüsho mihtsürü boto ato thsangyu; tüsho Antiok ching akinrübo ju akhuhbe thsüde Khristanrü de ajikheah.

YUNIRÜBO RHIMO 14:21

Küyimki anenü ju kiuto ching thiyusheak-atsü thsangyuthsangrakheanü jingyanrü ahihdo kamshih tüsho Lystra le Ikonium tüsho Antiok lim yülo.

1 KORINT 4:9

Tümüde mihtsürü sheshihkhi nangde akheam thsüde Thrünpuhnü isa amüsüh-thsangyurü ah de huhdo dükhi inü lümlah; tümütüsho isa ju alomi, yunirü tüsho mihtsürübo ki mükkheahdung kamdo.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

2 TIMOTHI 4:6

Tümüde I a shuhmülanga kingaünkhi ching lah; I chamachihpü kim arüdo.

IBRI 11:34

mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 6:9

Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü;

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.