DANIEL 11:32 - AMÜSÜH HÜM CL Bible (BSI)

³² Tangzüng bahyukrü ki apinü rüknü abephülapbah; tüshe Thrünpuh ki thiyuro larünü düküngde api thsolobah.

DANIEL 11:32 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

NEHEMIA 4:14

Mihtsürübonü mulong sansankhi ngübah inü arübo limberü tüsho atorübo ki tha, “Isa riri dütre. Atungpuh lümkhitang. Api küdükhüh ato tüsho atrebe, tüsho apinü nüsa mihtsürü, nüsa tsührübo, nüsa niuberü tüsho nüsa yambo thsungkheak keochihjihchoh.”

MUNGSHIKHÜN 9:10

Tüsho sherünü nü mung mükheahlanü arünü nü kheak kinbah, tümüde, O Atungpuh , nü yimrü nünü mübahyuk.

MÜCHITMUDU 19:5

Arükchih thiyumütsan jihrü müthsümüchidüa mutso, tüsho shepünü akeangyu asukchonü mutsokhi.

MÜCHITMUDU 26:28

Akeangyu mulo junü ayurirü thraneanchoh, tüsho münjipjipkhinü athsümünim rhimochoh.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

DANIEL 11:21

“Tüsho api müthri mihtsürü amütsü arünü kiulongthsü wüntre müjihpü lakhi asürübah; tüshe apinü tümü mülümkhi kim ching arübah, tüsho rüknü kiulongthsü münita lubah.

DANIEL 11:34

Küyimki arü akeambanü, arü arung anikhüh ngübah, tüsho rüklimnü ahihdo arü lung bebah.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 6:11

Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.