DANIEL 11:27 - AMÜSÜH HÜM CL Bible (BSI)

²⁷ Judüki kiulongthsürü mahne ju lümkhi amütsü hanbah tsühyungpü dükhüm khülang kheak binbah, tüsho anenü khülangnü khülang ki akeangyu thaachihbah, tüshe ju akuk müngü, tümütüsho ju kim akhukhi mukhiungyi.

DANIEL 11:27 Iomraidhean Croise

2 SAMUEL 13:26

Judüki Absalomnü tha, “Jude yungsho, muzhobah I khiung Amnon isa lung arüshang.” Kiulongthsüpuhnü api ki tha, “Tümü thsüpü api nü lung yüpü?”

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 52:1

O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

MUNGSHIKHÜN 58:2

Yung, nüsa mulong ching mihbukmuyuk rhimochoh; alomi ching nüsa khahnü thiyih bukpü akhualochoh.

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

MUNGSHIKHÜN 64:6

Isanü amütsü rhimokhi shenü ayimkhitkhukpü? Isanü rük thsüde lümkhi thsükhitdo.” Tümüde mihtsürü lüm tüsho mulong alunglim ju süklah.

MÜCHITMUDU 12:20

Amütsü asahrü mulong ching mülapmüji lah, tüshe mungtsü lümthiyanrübo asühachihkhi lah.

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

MÜCHITMUDU 26:23

Mihbukmuyuk mulong hande künsahde alakhi münküpbo ju shotoyinchi changkhitkhinü alüpdokhi alophüh nangde lah.

EZEKIEL 17:9

Arü ki thaang, Wuto Atungpuhnü ha thachoh: Ha atoba de? Ha aying murukkhitba de tüsho aso murhokhamba de, junangde yiuhamübahpü? Aso chinkhi alala ayiuhbah. Ha aying chingnü arukkhitpü wu ato yungsho mihtsürü ahihkhüh yihnüpü müla.

DANIEL 10:1

Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.

DANIEL 11:28

Siria kiulongthsüpuhnü lakhit ato lubah nihbuh lomi lim alode ayübah, tüshe api mulong ju amüsüh tangzüng azhihde alabah. Apinü nihbuh lümkhi rhimobah, tüsho nihbuh lomi lim alode ayübah.

DANIEL 11:29

“Akhukhitkhi kim ching api düjinglim yüzahbah, tüshe ju kim ching akhuhlim nangde müla.

DANIEL 11:35

Lümlung larü khürü akeambah, junangde mihtsürübo akheam kim khiungde changkhitbah, tsangkhitbah tüsho areak mükihde alabah, tümüde akhukhitkhi kim ching ju arübah.

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

DANIEL 8:17

Jumonü I zhippung phünide api arü; tüsho küyimki api arükhea, I trede kam tüsho alo ching yap. Tüshe apinü I ki tha, “ O mihtsürü tsührü, michih ha akheam kim thsungkheak ah de anikhitang.”

DANIEL 8:19

Apinü tha, “Aniang, tüsho bukakhiukkhi kim dunglim tümü dünjibanü inü nü ki thabah; tümüde ha akheam kim akhukhitkhi dünkheak ah.

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

YUNIRÜBO RHIMO 1:7

Tüsho apinü arü ki tha, “Abuhnü thiyukhüm-sühmüh ching zokhi nüsa thsungkheak kimbo yungsho akheahmünchi mükheahpü yung.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

1 TESALONIKA 5:1

Tüshe keoniorübo, kim tüsho nimung thsungkheaknü nüsa ki thrütpü tümü yihnüpü müla.