DANIEL 11:17 - AMÜSÜH HÜM CL Bible (BSI)

¹⁷ Apinü kiulongthsü sühmüh athrünkhinü arüshihpü lümbah, tüsho apinü mungtsü hande arübah tüsho jurü rhimobah. Kiulongthsü thsümünimpü thsüde apinü anihbuh ki aliberü rhangshihbah; tüshe api lümkhi akuk müngü.

DANIEL 11:17 Iomraidhean Croise

2 KIULONG THSÜRÜ 12:17

Ju kim ching Siria kiulongthsüpuhnü Gad bede keochihpü tüsho yankhia lupü wutu. Tüshe küyimki Hazaelnü Jirusalem azhihde awutupü amiro anguhkhea,

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

MUNGSHIKHÜN 56:9

Inü nü ki zhichoki, I riribo rholode atsobah; ha inü mükheahlah, tümütüsho Thrünpuh ju I thsungkheak–

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

EZEKIEL 17:17

Babilonrünü mihtsürü ahihdo laksahpü aheangsadambo tüsho müthrimbo thsüa lachoki, wulakhi Ijip kiulongthsüpuh bonungrünü she api keochihpü murungkhuk.

EZEKIEL 25:2

Mihtsürü tsührü, nü miro Amonrü kilim abinang tüsho arü azhihde müchitang.

EZEKIEL 4:3

Jushu yinchi phuru khülang luang tüsho nü le kiuto dükeak yinchi chipi thsüde zoang tüsho nü miro ju thrip abinang. Ju ayankhi khüp labah tüsho ju yankhi ju nü labah. Ha Israel yamkhün ki amütsan labah.

EZEKIEL 4:7

Nü miro Jirusalem yankhi lim abinang tüsho nü khah hitde kiuto azhihde müchitang.

DANIEL 11:19

Jushu apinü nihbuh lomi chipi ayünkhibo lim rholobah, tüshe api jing mükhebah, tüsho alungbah, tüsho müngülode alabah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

HABAKKUK 1:9

Arü alalanü athsümünimpü miro khuhlangbah arüchoh; arünü aramrübo loyi nangde bemukhungchoh.

MATHI 12:30

Shepü I lung mülanü I azhihde lah, tüsho shepü I lung mübenü hiumüzütshihchoh.

LUKNÜ ATHRÜTKHI THIYUSHEAK-ATSÜ HUHTANYU 11:23

Shepü I lung mülanü I azhihde lah, tüsho I lung bemukhungrü hiumüzütjihchoh.

LUKNÜ ATHRÜTKHI THIYUSHEAK-ATSÜ HUHTANYU 9:51

Küyimki api yinmi lim bede yükihpü kim khiungkhea, apinü mulong pungkhibah Jirusalem lim yü,

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?